တောင်ဆူဒန်နိုင်ငံ၏ လူမျိုးစု အချင်းချင်း တိုက်ပွဲများ

တောင်ဆူဒန်နိုင်ငံ ဂျူးဘားမြို့တွင် သွေးမြေကျ တိုက်ပွဲများနှင့် ဒုတိယ သမ္မတ တရိုက်မာချာ၏ အာဏာသိမ်းမည်ဟူသော ခြိမ်းခြောက်မှုများက တိုင်းရင်းသား မျိုးနွယ်စုမျာ;အကြားတွင်

စိတ်ဝမ်းကွဲမှုများကို ပိုမိုနက်ရှိုင်း ဆိုးဝါးစေလျက်ရှိသည်။ တောင်ဆူဒန် စစ်တပ်တွင် ပြိုင်ဘက်အဖွဲ့များ အချင်းချင်း နှစ်ရက်အကြာ လမ်းပေါ်တိုက်ပွဲများကြောင့် မြို့တော်၏ အစိတ်အပိုင်းများ ပျက်စီးသွားရပြီး ကမ္ဘာပေါ်တွင် သက်တမ်းအနုဆုံး နိုင်ငံတွင် သွေးမြေကျမှုများ ဆက်လက် ဖြစ်ပွားလာမည်ကို စိုးရိမ် ကြောက်ရွံ့နေကြသည်။ နယူးယောက်မြို့ရှိ ကုလသမဂ္ဂ အရာရှိများ၏ ပြောကြားချက်အရ အဆိုပါ ဒေသမှ အစီရင်ခံစာများတွင် လူပေါင်း ၄ဝဝ မှ ၅ဝဝ ကြား အသတ်ခံရပြီး လူ၈ဝဝ ခန့် ဒဏ်ရာရခဲ့ကြောင်း၊ လူပေါင်း ၁၆ဝဝဝ သည် ကုလသမဂ္ဂ အဆောက်အအုံများတွင် ဘေးကင်းရာ နေရာအဖြစ် ခိုလှုံလာကြကြောင်း၊ တနင်္ဂနွေနေ့ညက အဖြစ်အပျက်သည် အာဏာသိမ်းရန် ကြိုပမ်းမှုဖြစ်ကြောင်း၊ ယင်းကိစ္စကြောင့် တိုင်းပြည်တွင် မျိုးနွယ်စုများအကြား လက်နက်ဖြင့် ဆေးကြောမှုများ ဖြစ်လာနိုင်ပြီး ၂ဝ၁၁ ခုနှစ်၌ ကြောက်မက်ဖွယ်ရာ စစ်ကြီးမှ ခွဲထွက်နိုင်သည့် မြောက်ဘက်ဒေသမှာ ယခုမှစ၍ နာလန်ထူရန် ဆောင်ရွက်နေဆဲ ရှိပါသေးသည်။ အဆိုပါ နှစ်နှစ်ခွဲသားအရွယ် နိုင်ငံငယ်ကလေး၏ သမ္မတ ဆာလ်ဗာကားက သူ၏ ဒုတိယ သမ္မတ တရိုက်မာချာကို အာဏာသိမ်းရန် ကြိုးပမ်းသည်ဟု စွပ်စွဲလိုက်ပြီး ဒုတိယ သမ္မတသည် Propet of Doom (ဂြိုဟ်ဆိုး) ဟူ၍ ဆိုင်းဘုတ် တပ်ပေးလိုက်ကာ ဂျူးဘားရှိ တရိုက်မာချာ၏အိမ်ကို တင့်ကားများဖြင့် ပစ်ခတ်စေခဲ့သည်။ တရိုက်မာချာကတော့ ဘယ်နေရာ ရောက်နေသည် မသိပါ။ ယခင်က ဝန်ကြီးဟောင်း ခုနစ်ဦး အပါအဝင် သမ္မတကို ပြစ်တင်ဝေဖန်ရာတွင် နာမည်အထွက်ဆုံးသူများ၏ အိမ်များကို ပြီးခဲ့သည့် နှစ်ရက်က လုံခြုံရေးတပ်များဖြင့် ဝိုင်းထားခဲ့သည်။ တောင်ဆူဒန် နိုင်ငံဆိုင်ရာ အမေရိကန် သံအမတ်ကြီး ဆူဆန်ပိတ်က ဂျူးဘားမှ ဖုန်းဖြင့်ပြောကြားရာတွင်'' သူတို့လူလိုက်ရှာပုံက တကယ့်ကို ကြောက်စရာကြီး''ဟု ဆိုသည်။

နောက်ပိုင်းတွင် အမေရိကန် နိုင်ငံခြားရေး ဝန်ကြီးဌာနက မရှိမဖြစ်နေထိုင်ရန် လိုအပ်သော အမေရိကန် အရာရှိများမှ တစ်ပါး ကျန်လူများကို တောင်ဆူဒန်နိုင်ငံမှ ထွက်ခွာသွားရန်နှင့် ဂျူးဘားရှိ အမေရိကန် သံရုံး၏သာမန် လုပ်ငန်းများကို ဆိုင်းငံ့ထားရန်ညွှန် ကြားခဲ့သည်ဟု သိရသည်။ ကုလသမဂ္ဂ လုံခြုံရေးကောင်စီက အင်္ဂါနေ့ညတွင် အဆိုပါကိစ္စကို ဆွေးနွေးကြရာ အီသီယိုးပီးယား နယ်စပ်အနီး ဂျောင်လီပြည်နယ်တွင် ဂိုဏ်းဂဏ တိုက်ခိုက်မှုများ ဖြစ်ပွားခဲ့ကြောင်း သတင်းရရှိသည်ဟု ဆိုသည်။ အကယ်၍ နိုင်ငံရေး သဘောတူညီချက် ရဦးတော့ ဥပမာပြောရလျှင် ဒဏ္ဍာရီထဲက နတ်သမီးလေး ဂျင်းနီသည် ပုလင်းထဲက ထွက်လာပြီးနောက် ပုလင်းထဲကို ပြန်ထည့်ရန် အလွန်တရာမှ ခက်ခဲမည့် သဘောမျိုးဟု ဆိုပြန်၏။ တောင်ဆူဒန်နိုင်ငံအကြောင်း ခွဲခြမ်းစိတ်ဖြာလေ့လာသူ ဘရပ်လန်းက ပြောရာတွင် ဤတိုက်ခိုက်မှုများ၏ ထိချက်မှာ တောင်ဆူဒန်၏ အနာဂတ်ကို ပုံသွင်းသလို ဖြစ်လိမ့်မည်ဟု ဆိုသည်။ ဦးတည်ရာမဲ့ပြီး ခိုကိုးစရာ နတ္ထိဖြစ်နေကြသော အရပ်သား ထောင်ပေါင်းများစွာတို့မှာ သူတို့အစိုးရ၏ လုံခြုံရေး အာမခံချက်များကို ဂရုမစိုက်တော့ဘဲ ဂျူးဘားမြို့တော်ရှိ ကုလသမဂ္ဂ ရုံးစိုက်ရာ နေရာနှစ်ခု အနီးတစ်ဝိုက်တွင် အုပ်စုဖွဲ့ကာ ကုလသမဂ္ဂ ငြိမ်းချမ်းရေး ထိန်းသိမ်းမှု တပ်ငယ်ကလေး၏ ကာကွယ်စောင့်ရှောက်မှုကို ခံယူရန် စုရုံးရောက်ရှိ လာနေကြသည်။ ဂျူးဘားမြို့ ကုလသမဂ္ဂ အကြီးတန်း အရာရှိ တိုဘီလန်ဇာ၏ ပြောကြားချက်အရ လူပေါင်း ၁၆ဝဝဝ ခန့်မှာ ကုလသမဂ္ဂ ရုံးနှစ်ရုံး အနီးတစ်ဝိုက် အတွင်း၊ အပြင်တွင် အမိုးအကာ နေရာရရှိရေး ကြိုးပမ်းနေကြသည်ဟု သိရသည်။

နေဝင်ခါနီးချိန်မှသည် အရုဏ်တက်ချိန်အထိ ညမထွက်ရ အမိန့်ရှိနေသည့် ကြားမှာပင် ကြောက်ရွံ့ ထိတ်လန့်နေကြသော ဒေသခံလူများသည် လုံခြုံဘေးကင်းရာတွင် ပုန်းအောင်း နေကြသည်။ မြို့နေရာအများအပြားမှ ထွက်ပေါ်လာသော ပေါက်ကွဲသံများက မြေကြီးကို တုန်ဟည်းသွားစေကာ အလွန်တရာ ကြောက်လန့်နေကြသည် ဆို၏။ မြို့ထဲက မရှိမဲ့ရှိမဲ့ ဆေးရုံများမှာလည်း ဒဏ်ရာရထားသော စစ်သားများဖြင့် ပြည့်လျှံနေသည်။ အရပ်သား ထိခိုက်ဒဏ်ရာရမှုများလည်း ကြိုးကြားကြိုးကြား ရောက်လာသေးသည်။ ဂျူးဘား စစ်ဆေးရုံမှ ဆရာဝန် အေဂျက်ဘူ လန်၏ ပြောကြားချက်အရ ဆေးရုံသို့ရောက်လာသော ဒဏ်ရာရလူနာ ၄ဝဝ အနက်အနည်းဆုံး ၅၉ ဦးမှာ သေဆုံးသွားကြောင်း သိရသည်။ ကျွန်တော်တို့ အသက်တော်တော် များများကို မကယ်နိုင်ဘူး ဖြစ်သွားတယ်။ အထူးသဖြင့် စစ်သားတွေ ကိုပေါ့။ ပြဿနာကတော့ သွေးသွင်းပေးဖို့ သွေးမရှိလို့ သေသွားကြရတာပါ'' ဟု ဆို၏။နောက်ထပ် ဂျူးဘားဆေးရုံတစ်ရုံက ဆရာဝန် ဒေါက်တာ ဝါနီမီးနားက လူနာတွေ ရောက်နေတာပဲလေ၊ အရပ်သားတွေ အပါအဝင်ပေါ့။ သေနတ်ဒဏ်ရာတွေ ရထားကြတာဟု ဆိုသည်။ တောင်ဆူဒန်နိုင်ငံ အဖြစ်သို့ ရောက်ရှိလာ သည်နှင့် ပထမအဆင့်မှာပင် ဒုက္ခရောက်ခဲ့ရသည်။ ကျန်သော မြောက်ဆူဒန်နှင့် ရေနံကိစ္စ၊ နယ်ခြားကိစ္စတွေပင် ဖြစ်သည်။ စနေနေ့ညက တိုက်ခိုက်မှုများ စတင်ခဲ့ရာတွင် လူမျိုးပေါင်းစုံ ပါဝင်သော သမ္မတ၏ လုံခြုံရေး တပ်များနှင့် ဂျူးဘားမြို့စွန် စစ်တန်းလျားတွင် နေသူများအကြား တိုက်ခိုက်ကြခြင်းဖြစ်သည်။ ကောလာဟလများမှာ တရိုက်မာချာသည် နူးရ်မျိုးနွယ် အုပ်စုမှဖြစ်ပြီး ဖမ်းဆီးခြင်းခံရ၍ ကားရ်နှင့် မျိုးနွယ်တူ ဒင်ကာမျိုးနွယ်မှ စစ်သားများနှင့် ထိပ်တိုက်ရင်ဆိုင် ဖြစ်ခဲ့ရခြင်း ဖြစ်သည်။ နှစ်ဖက်စလုံး လက်နက်များ ပြန်တပ်ဆင်ကြပြန်ကာ တနင်္လာနေ့ အစောပိုင်းတွင် တိုက်ခိုက်မှုများ ကျယ်ပြန့်လာခဲ့သည်။ လက်နက်ကြီးများဖြင့်လည်း တပ်ဖြန့်ထားကြသည်။ ထိုသို့ခဏခဏ တိုက်ခိုက်မှု များ ဖြစ်နေလျှင် ပြည်သူတွေမှာ ကျွဲနှစ်ကောင်ခတ်သည့် ကြားက မြေစာပင်ပမာ ဖြစ်ပြီးသေကျေကုန်ကြကာ ဒုက္ခပင်လယ် ဝေကြရမည် ဖြစ်သည်။ ရေနံထုတ်လုပ်မှုလည်း ပျက်ပြား၍ ရေနံ အပေါ်သာ မှီခိုနေရသော နိုင်ငံ၏ စီးပွားရေးလည်း ပျက်ပြားကာ ဘူးလေးရာ ဖရုံဆင့်ဆိုသကဲ့သို့ ပြည်သူများမှာ ဒုက္ခညွန်ထဲတွင် သက်ဆင်း ကြရတော့မည်သာ ဖြစ်ပါသည်။

http://www.myawady.net.mm