ပြည်နယ်လူမှုရေးဝန်ကြီး၊ တောင်ကြီးဆေးတက္ကသိုလ်၊ အားကစားနှင့် ကာယပညာသိပ္ပံ(တောင်ကြီး) ကွင်းဆင်းစစ်ဆေး

2014 ရှမ်းပြည်နယ်အစိုးရအဖွဲ့၊ ပြည်နယ်လူမှုရေးဝန်ကြီး ဒေါက်တာမျိုးထွန်း၊ ပြည်နယ်ကျန်းမာရေးဦးစီးဌာန၊ ပြည်နယ်ကျန်းမာရေးမှူး ဒေါက်တာသန်းထွဋ်ဦး လိုက်ပါလျက် မတ်လ (၁)ရက်၊ မွန်းလွဲ (၁)နာရီက တောင်ကြီးမြို့၊ သစ်တောဂိတ်အနီးရှိ ကုမ္ပဏီ (၈)ခုမှ တာဝန်ယူ၍ တည်ဆောက်လျက်ရှိသော တောင်ကြီးဆေးတက္ကသိုလ် တည်ဆောက်နေမှုကို သွားရောက် လှည့်လည်ကြည့်ရှု စစ်ဆေးရာ တာဝန်ရှိ လုပ်ငန်းအင်ဂျင်နီယာများမှ ရှင်းလင်းကြသည်။
 
   ဆက်လက်၍ ပြည်နယ်လူမှုရေးဝန်ကြီးနှင့် ပြည်နယ်ကျန်းမာရေးမှူးတို့သည် တောင်ကြီးမြို့နယ်၊ အေးသာယာမြို့သစ်၊ သစ်ပင်ထောင်ရွာ အနီးရှိ အောင်ချမ်းသာ ကုမ္ပဏီ၊ လပ်ကီးမြန်မာ ကုမ္ပဏီနှင့် Grand Rlory ကုမ္ပဏီ (၃)ခုမှ တာဝန်ယူ ဆောင်ရွက်လျက်ရှိသော ရှမ်းပြည်နယ် အားကစားနှင့် ကာယပညာသိပ္ပံ(တောင်ကြီး) တည်ဆောက်ရမှုကို ကြည့်ရှုစစ်ဆေးရာ ပြည်နယ်အားကစားနှင့် ကာယပညာဦးစီးဌာန၊ ပြည်နယ်အား/ကာမှူး ဦးထန်အိုက်နှင့် ဆောက်လုပ်ရေး အင်ဂျင်နီယာများမှ လိုက်လံရှင်းလင်းကြကြောင်း သိရှိရသည်။
 
   အဆိုပါ တောင်ကြီးဆေးတက္ကသိုလ်ကို (၂၁.၁.၂၀၁၄)မှ စတင်၍ တည်ဆောက်ပြီး အားကစားနှင့် ကာယပညာသိပ္ပံ(တောင်ကြီး) အဆောက်အဦးများကို (၁.၂.၂၀၁၄)မှ စတင်ဆောက်လုပ်လျက်ရှိကြောင်း သတင်းရရှိသည်။
www.shan state.gov.mm