ရှမ်းပြည်နယ်(တောင်ပိုင်း) အများပြည်သူများ တယ်လီဖုန်းများ ဆက်သွယ်မှု လွယ်ကူချောမွေ့စေရန်အတွက် တောင်ကြီးမြို့၊ ရေထွက်ဦး၌ GSM ရေဒီယိုစခန်း တာဝါဖောင်ဒေးရှင်း ပန္နက်တင်မင်္ဂလာ အခမ်းအနားကို ဖေဖော်ဝါရီ (၂၇)ရက်၊ နံနက် (၁ဝ)နာရီက ကျင်းပရာ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ ပြည်နယ်ဝန်ကြီးများ၊ ပြည်နယ်ဥပဒေချုပ်၊ ပြည်နယ်/ခရိုင်/မြို့နယ်အဆင့် ဌာနဆိုင်ရာများ၊ မြန်မာ့ဆက်သွယ်ရေးလုပ်ငန်းမှ ပြည်နယ်မန်နေဂျာနှင့် ဝန်ထမ်းများ၊ East Boy ကုမ္ပဏီမှ တာဝန်ရှိသူများ တက်ရောက်ကြသည်။
ပထမဦးစွာ ပြည်နယ်မန်နေဂျာ၊ မြန်မာ့ဆက်သွယ်ရေးလုပ်ငန်းမှ GSM စခန်းများ ဆောင်ရွက်မည့်လုပ်ငန်းများနှင့် ပတ်သက်၍ ရှင်းလင်းပြီး၊ East Boy ကုမ္ပဏီမှ အမှုဆောင်ဒါရိုက်တာ ဦးညီသူရက GSM စခန်းများတွင် ထားရှိမည့် စက်ပစ္စည်းဆိုင်ရာများနှင့် ပတ်သက်၍ ရှင်းလင်းတင်ပြကြသည်။
ဆက်လက်၍ ပန္နက်တင်မင်္ဂလာ အခမ်းအနားဆောင်ရွက်ရာ နေရာအမှတ် (၁)တွင် ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစဝ်အောင်မြတ်၊ နေရာအမှတ် (၂)တွင် ပြည်နယ်လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးအောင်သူ၊ နေရာအမှတ် (၃)တွင် East Boy ကုမ္ပဏီမှ အမှုဆောင်ဒါရိုက်တာ ဦးညီသူရတို့က အသီးသီး နေရာယူကြပြီး၊ မင်္ဂလာအချိန်ကျရောက်သောအခါ ပန္နက်များကို ရိုက်ပေးကြကာ၊ ပြည်နယ်ဝန်ကြီးချုပ်နှင့် တာဝန်ရှိသူများက အမွှေးနံ့သာရည်များ ပတ်ဖျန်းပေးပြီး၊ ရတနာ ရွှေမိုး၊ ငွေမိုးများ ရွာသွန်းပေး၍ အခမ်းအနားကို အောင်မြင်စွာ ရုပ်သိမ်းလိုက်ကြောင်း သိရှိရသည်။
http://www.shanstate.gov.mm
No comments:
Post a Comment