ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ်၊ ပြည်နယ်ဝန်ကြီးများ၊ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ၊ အစိုးရအဖွဲ့ အတွင်းရေးမှူး၊ ပြည်နယ်အဆင့်ဌာနဆိုင်ရာ တာဝန်ရှိသူများ၊ အထက်ပေါင်းလောင်း ရေအားလျှပ်စစ် စီမံကိန်းမှ ညွှန်ကြားရေးမှူးချုပ် ဦးသောင်းဟန်နှင့် အဖွဲ့ဝင်များသည် ဖေဖော်ဝါရီ(၁၉)ရက်၊ မွန်းလွဲ(၂)နာရီခွဲက ရှမ်းပြည်နယ်အစိုးရအဖွဲ့ရုံး၊ အစည်းအဝေးခန်းမ၌ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ တွေ့ဆုံ ရှင်းလင်းကြသည်။
ရှေးဦးစွာ ညွှန်ကြားရေးမှူးချုပ် ဦးသောင်းဟန်မှ အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ စက်ရုံများကို မေ၊ ဇွန်လတွင် လျှပ်စစ်ဓါတ်အားများ လည်ပတ်နိုင်မည် ဖြစ်ကြောင်း၊ ဘေးပတ်ဝန်းကျင်ရှိ လူနေအိမ်များကိုလည်း လျော်ကြေးများ ပေးလျော်ပြီးကြောင်း၊ ဘုန်းကြီးကြောင်း၊ စာသင်ကျောင်း၊ လူနေအိမ်များကိုလည်း ဆောက်လုပ်ပေးပြီးကြောင်း ဆွေးနွေးသွားသည်။
ဆက်လက်၍ ပအိုဝ်းကိုယ်ပိုင်အုပ်ချုပ်ခွင့်ရဒေသဦးစီးအဖွဲ့ ဥက္ကဌ ဦးခွန်စံလွင်မှ အိမ်ယာမြေ ပြောင်းရွှေ့ရေးကိစ္စနှင့် ပတ်သက်၍ ပြောင်းရွှေ့ခံရသည့် (၂၂)ရွာကို ဒေသခံများက ဘုန်းကြီးကျောင်းနှင့် အနီးစပ်ဆုံးနေရာတွင် ချပေးရန်၊ ဒေသခံများက ဆရာတော်ကြီးများ၏ ဝေယျာဝေစ္စများကို ပြုလုပ်ပေးနိုင်မည် ဖြစ်ကြောင်း၊ ဒေသခံများကလည်း တစ်နိုင်တစ်ပိုင်လုပ်ငန်းများ လုပ်ကိုင်နိုင်ရန် စီစဉ်ဆောင်ရွက်ပေးရန် ရှင်းလင်း ဆွေးနွေးသွားသည်။
ထို့နောက် ပြည်နယ်ဝန်ကြီးချုပ် ဦးစဝ်အောင်မြတ်က အထက်ပေါင်းလောင်း ရေအားလျှပ်စစ် စီမံကိန်းနှင့် ပတ်သက်၍ လိုအပ်သည်များကို ပြန်လည်ဖြည့်ဆည်း ပြောကြား ဆွေးနွေးသွားကြောင်း သိရှိရသည်။
refind ; http://www.shanstate.gov.mm
No comments:
Post a Comment