ဖုန်းငွေဖြည့် ကတ်တွင် ငွေပါ မလာမှုကြောင့် သုံးစွဲသူများ နစ်နာမှုများ ရှိနေ

 

ရန်ကုန် သြဂုတ် ၂၁

မိုဘိုင်းလ်ဖုန်း အသုံးပြုသူများ အနေဖြင့် ဖုန်းငွေဖြည့်ကတ်များ ဝယ်ယူ အသုံးပြုရာတွင် ငွေဖြည့်ကတ် error များကြောင့် သုံးစွဲသူများ အနေဖြင့် အခက်အခဲများ ရှိနေကြောင်း ဖုန်းအရောင်း ဆိုင်များနှင့် ဖုန်းသုံးစွဲသူ များထံက စုံစမ်းသိရသည်။

မိုဘိုင်းလ်ဖုန်း သုံးစွဲသူများ အနေဖြင့် ဖုန်းအတွင်းသို့ ငွေဖြည့်ရန် ငွေဖြည့်ကတ်များ ဝယ်ယူ အသုံးပြုရာတွင် ကတ်အတွင်း ဖုန်းဘီလ် မပါရှိခြင်းများ ဖြစ်နေကြောင်း သိရသည်။

''ဖုန်းငွေဖြည့်ကတ် တွေထဲမှာ ပိုက်ဆံ မပါလာတာ တွေရှိတယ်။ ငွေဖြည့်ကတ်ကို ဆိုင်က ဝယ်တယ်။ ပြီးရင် ခဲခြစ်ပြီး ငွေဖြည့်တယ်။ ဒါပေမဲ့ ငွေဖြည့်လို့ မရဘူး။ ဖြည့်တဲ့ငွေ ပမာဏ တက်မလာဘူး။ ဆိုင်ကို သွားပြန် ပြောတော့လည်း ငွေဖြည့်ကတ်ဖိုး ပိုက်ဆံပြန် မပေးဘူး။ အခုနောက်ပိုင်း ငွေဖြည့်ကတ် ဝယ်ရင် ဝယ်တဲ့ ဆိုင်မှာပဲ တစ်ခါတည်း ခဲခြစ်ပြီး ငွေဖြည့်တယ်'' ဟု ကိုယ်တိုင် တွေ့ကြုံဖူးသူ တစ်ဦးက ပြောကြားခဲ့သည်။

မိုဘိုင်းလ်ဖုန်း ကိုင်ဆောင် အသုံးပြုသူများ အနေဖြင့် ငွေဖြည့်ကတ် ဝယ်ယူ အသုံးပြုရာတွင် အထက်ပါ ဖြစ်စဉ်များကို အထူးပင် ဂရုပြုသင့်ကြောင်း ငွေဖြည့်ကတ် ဝယ်ယူရာတွင်လည်း ဝယ်ယူသည့် ဆိုင်တွင်ပင် ငွေတစ်ခါတည်း ခဲခြစ်ငွေဖြည့် သွင်းသင့်ကြောင်း ၄င်းက ဆက်လက် ပြောကြားခဲ့သည်။

''ငွေဖြည့်ကတ် error ဖြစ်တာက ဆိုင်မှာ တစ်ခါတည်း ငွေဖြည့်လို့ error ဖြစ်ရင် လဲပေးလို့ ရတယ်။ ဆိုင်ကနေ ဝယ်သွားတယ်။ အိမ်ရောက်ပြီး error ဖြစ်လို့ လာပြောရင် လဲပေးလို့ မရဘူး။

အိမ်ရောက်မှ အခြားဖုန်းထဲကို ငွေဖြည့်ပြီး error ဝင်တာပါလို့ ဆိုင်ကို လိမ်ရင်ဘယ်လို လုပ်မလဲ'' ဟု 7 Star ဖုန်း အရောင်းဆိုင်မှ တာဝန်ရှိသူ တစ်ဦးက ပြောကြားခဲ့သည်။

ထက်နေ

http://www.myawady.net.mm

အင်းလေး ဖောင်တော်ဦးဘုရား ၂၁ ဌာန ဒေသစာရီ ကြွချီရာ ရေလမ်းကြောင်း တစ်လျှောက် နုန်း သဲ အမှိုက်သရိုက် ကြိုတင် ရှင်းလင်း

 

ညောင်ရွှေ   သြဂုတ်  ၂၉

ရှမ်းပြည်နယ် ညောင်ရွှေမြို့နယ် အင်းလေး ဖောင်တော်ဦး ဘုရားသည် နှစ်စဉ်နှစ်တိုင်း အင်းလေးဒေသ ပတ်ဝန်းကျင် ကျေးရွာများရှိ ၂၁ ဌာနသို့ ဒေသစာရီ ကြွချီ လှည့်လည် အပူဇော်ခံသည်မှာ အစဉ်အလာ တစ်ရပ်ဖြစ်သည်။

ထိုသို့ လှည့်လည် အပူဇော်ခံရာတွင် မြန်မာနိုင်ငံ အတွင်းရှိ အနယ်နယ် အရပ်ရပ်မှ ဘုရားဖူး ဧည့်သည်များ၊ နိုင်ငံခြားသား ခရီးသည်များလည်း လာရောက် ဖူးမြော် လေ့လာကြသည်။

ယခုနှစ်တွင်လည်း အောက်တိုဘာ ၅ ရက် (သီတင်းကျွတ် လဆန်း ၁ ရက်)တွင် ကျောင်းတော်ကြီးမှ အင်းလေးဒေသ ပတ်ဝန်းကျင် ကျေးရွာများရှိ ၂၁ ဌာနသို့ ဒေသစာရီ ကြွချီ အပူဇော်ခံမည် ဖြစ်သည်။

ထိုသို့ ဖောင်တော်ဦးဘုရား လှည့်လည် အပူဇော်ခံရန် ဒေသစာရီ ကြွချီရာ ရေလမ်း တစ်လျှောက်တွင် အခက်အခဲမရှိ အဆင်ပြေ ချောမွေ့စွာ ကြွချီနိုင်ရေး အတွက် ရေလမ်းတစ်လျှောက် နုန်း၊ သဲများကို စက်ယန္တရား ကြီးများဖြင့် တူးဖော်ခြင်း၊ အမှိုက်သရိုက်များ ရှင်းလင်း ဖယ်ရှားခြင်း၊ ဖောင်တော် ဆိုက်ကပ်ရာ နေရာများ၌ တံတား ပြုပြင်ခြင်း များကို ညောင်ရွှေမြို့နယ် ဆည်မြောင်းဦးစီးဌာန၊ သစ်တောဦးစီးဌာန၊ ညောင်ရွှေမြို့နယ် အုပ်ချုပ်ရေးမှူး၊ ဖောင်တော်ဦး ဘုရား ဂေါပကအဖွဲ့များနှင့် ဌာနဆိုင်ရာ တာဝန်ရှိသူ များမှ ဦးဆောင်၍ မိမိတို့ ကဏ္ဍအလိုက် ကြိုတင်ပြုပြင် ဆောင်ရွက် လျက် ရှိကြောင်း သိရသည်။

http://www.myawady.net.mm

မြို့နယ်အုပ်ချုပ်ရေးမှူးဦးဆောင်သည့် မြို့နယ်စီမံခန့်ခွဲရေးကော်မတီ ကွင်းဆင်းတွေ့ဆုံဆွေးနွေးပွဲဆောင်ရွက်မှုသတင်း

 

 

 

 

 

 

 

 

 

 

 

(၂၅-၈-၂၀၁၃)ရက်နေ့၊ (၀၉၀၀)နာရီအချိန်၊ တောင်ကြီးမြို့နယ်၊ အေးသာယာမြို့၊ အမှတ်(၄)ရပ်ကွက်ရှိ သာသနာ့ဗိမာန်တော်ဓမ္မာရုံတွင် မြို့နယ်အုပ်ချုပ်ရေးမှူးဦးဆောင်သည့် မြို့နယ်စီမံခန့်ခွဲရေးကော်မတီ၊ မြို့နယ်ဖွံ့ဖြိုးတိုးတက်ရေးကော်မတီ၊ မြို့နယ်စည်ပင်သာယာရေးကော်မတီ၊ မြို့လုံခြုံရေးနှင့် တရားဥပဒေ စိုးမိုးရေးကော်မတီတို့ပူးပေါင်း၍ အေးသာယာမြို့ရှိ ရပ်ကွက် (၁၂)ရပ်ကွက်မှ အုပ်ချုပ်ရေးမှူးများ၊ အထောက်အကူပြုကော်မတီများ၊ ရပ်မိရပ်ဖများစုစုပေါင်းအင်အား (၈၀)ဦးခန့်နှင့် တွေ့ဆုံဆွေးနွေးရာ (၁၂၀၀)နာရီအချိန်တွင် ပြီးဆုံးခဲ့ပါသည်။ (၁၃၀၀)နာရီအချိန်တွင် တောင်ကြီးမြို့နယ်၊ နန်းဟူးကျေးရွာ အုပ်စု၊ ပေါမူကျေးရွာ၊ ပေါမူဘုန်းတော်ကြီးကျောင်း၌ နန်းဟူး၊ နန်းဟောင်း၊ လွယ်တော်၊ မင်္ဂလာ၊ ဘန့်ကွေးကျေးရွာအုပ်စုများမှ အထောက်အကူပြုကော်မတီများ၊ ရပ်မိရပ်ဖများ စုစုပေါင်းအင်အား (၆၀) ဦး နှင့်တွ့ဆုံဆွေးနွေးရာ(၁၅၃၀)နာရီအချိန်တွင်ပြီးဆုံးခဲ့ပါကြောင်းနှင့်ဆွေးနွေးရာ၌ ရပ်ကွက်/ ကျေးရွာအုပ်စု စီးပွားရေး၊လူမှုဖွံ့ဖြိုးတိုးတက်ရေး၊ ကျေးလက်ဒေသဖွံ့ဖြိုးရေးအတွက် ပေါင်းစပ်ညှိနိုင်း ဆောင်ရွက်သွားရန်

ဆွးနွေးဆောင်ရွက်ခဲ့ပြီးရပ်ကွက်/ကျေးရွာအုပ်စုအထောက်အကူပြုကော်မတီများမှ ပြန်လည် ဆွေးနွေး

တင်ပြခြင်းများ ဆောင်ရွက်ခဲ့ပါသည်။

မြန်မာကျပ်ငွေ သိန်း ၉၀၀ ရှိလျှင် ကမ္ဘာ့အပြင် ခရီးသွား နိုင်တော့မည်

 
အမေရိကန်အခြေဆိုက် Virgin Galactic အမည်ရ ကုမ္မဏီကဈေးသက်သာ အာကာသ ခရီးသွား ပို့ဆောင်ရေး ယာဉ်ပျံများ တည်ဆောက်ပြီး နေ့စဉ် ပို့ပေးတော့မှာ ဖြစ်ပါတယ်။

ယာဉ်ပျံကိုလည်း အသစ်တည်ဆောက်ပြီး ခရီးအသွားအပြန်စရိတ်အတွက် စုစုပေါင်း အမေရိကန်ဒေါ်လာ ၉သောင်းခွဲ ဝန်းကျင်ပဲ ကုန်မှာ ဖြစ်ပါတယ်။ ဒီတော့ မြန်မာကျပ်ငွေနဲ့ တွက်ရင်အလွန်ဆုံးမှ သိန်း ၉၀၀ ပဲ တန်ဖိုးရှိတဲ့ ခရီးစဉ် ဖြစ်ပါတယ်။ ဒီတော့ မြန်မာပြည်မှာလည်း သိန်း ၉၀၀ ရှိရင် ခရီးသွား ဖို့အတွက် အကုန်ကျခံနိုင်တဲ့သူတွေ ရှိမှာပါ။ ရည်ရွယ်ချက် ကိုက ဈေးသက် သက် သာသာနဲ့ ကမ္ဘာ့အပြင် ခရီးသွားရစေဖို့ ဖြစ်ပါတယ်။ အရင်က အမေရိကန်ဒေါ်လာ သန်း ဆယ်ဂဏန်း၊ ရာဂဏန်း ကုန်တာနဲ့ ယှဉ်ရင် အများကြီး သက်သာ သွားတာ ဖြစ် ပါတယ်။

အစီအစဉ်အတွက် Virgin Galactic ကုမ္မဏီဟာ နာဆာနဲ့ ကမ္ဘာ့အာကာသ ယာဉ်စခန်းက အာကာသယာဉ်မှူး၊ အင်ဂျင်နီယာများကို အလုပ်ခန့်အပ်ပြီး ယာဉ်ပျံ ဒီဇိုင်းအသစ် ရေး ဆွဲခြင်း ဖြစ်ပါတယ်။ တည်တောင် တည်ဆောက်နေ ပါပြီ။ များမကြာမီနှစ်အတွင်း အကောင်အထည် ဖော် လာနိုင်တော့မယ့် ယင်း အစီအစဉ်ကို အများစု စိတ်ဝင်စားလျက် ရှိကြောင်း သိရပါတယ်။

Ref: pocketlint

Aung Kham (TSJ team)

Techspace Journal

ဘူတန် နိုင်ငံမှ ဘုရားကျောင်းTiger's Nest Monastery

 

ဘူတန်နိုင်ငံ၌ တည်ရှိပြီး တောင်အလယ် ချောက်ကမ်းပါးဘေး ကျောက်နံရံမှာ ကပ်ပြီး တည်ဆောက်ထားတာပါ။ ဘူတန်နိုင်ငံ ဏမေသ တောင်ကြားချိုင့်ဝှမ်း မှာ ပင်လယ် ရေမျက်နှာပြင် အထက် မီတာ ၇ဝဝ (ပေ ၂၃ဝဝ) အမြင့်မှာ တည်ရှိပါတယ်။ တရားဝင် မှတ်သားမှုအရ ၁၆၉၂ ခုနှစ်မှာ

စတင်တည်ဆောက် ခဲ့တယ်လို့ ဆိုပါတယ်။

သွေးတိုးနှုန်းကို ကျဆင်းစေသည့် နွားနို့

 

ဂျပန် ဆေးပညာရှင် များ၏ ယူဆချက် အရ နွားနို့သည် သွေးတိုးရောဂါ ကို   ကာကွယ် ပေးနိုင်သည့် သတ္တိရှိသည်ဟု ယူဆကြသည်။

အကြောင်းရင်းမှာ နွားနို့တွင် ပါဝင်သော ပရိုတင်း ဓာတ်များသည် သွေးကြောများ၏ ပျော့ပျောင်းမှုကို  ထိန်းသိမ်းပေးပြီး သွေး ကြော မာကျစ်မှု မရှိအောင် တားဆီးပေးခြင်း၊ ဆိုဒီယမ်(ဆားဓာတ်) လွန်ကဲမှုကို ချေဖျက်ပေးသည့် အာနိသင် ရှိကြောင်း သိရသည်။

ဂျပန် ဆေးပညာရှင်များက ကျန်းမာသည့် အရွယ် ရောက်ပြီးသူ ၁၃၁ ဦးကို စမ်းသပ် စောင့်ကြည့် အကဲခတ်ခဲ့ကြပြီး အစမ်းသပ်ခံ ပုဂ္ဂိုလ်များ အားလုံးသည် နေအိမ်၌ပင် နေကြရသည်။ နေ့စဉ် နွားနို့   (သုံးပုလင်း= ၆ဝဝ စီစီ)ကို သောက်ကြရပြီး ၁ဝ လကြာသည့် နောက်တွင် မူလက အပေါ်သွေးတိုးနှုန်း ၁၁ဝ ရှိခဲ့ကြသည့်သူများသည် သွေးတိုးနှုန်း  အနည်းငယ် လျော့ကျ သွားသည်ဟု အဆိုပါ သိပ္ပံ ပညာရှင်များ က ပြောကြားခဲ့သည်။

အဆိုပါ စမ်းသပ် တွေ့ရှိချက်များ အရ နွားနို့သည် သွေးတိုး ရောဂါများကို သွေး တိုးနှုန်း ချပေးနိုင်ပြီး သွေးတိုးနှုန်းသည် အစားအသောက်နှင့်လည်း မလွဲမသွေ ပတ်သက် ဆက်နွှယ်မှု ရှိသည်ဆိုသည့် အချက်ကိုပါ သိရှိနိုင်သည်။

http://www.myawady.net.mm

အမေရိကန် နိုင်ငံ၏ ၂၁ ရာစုနှစ်အတွင်း အကြီးမားဆုံးသော ဒုံးပျံကိုလျှို့ဝှက် စစ်ဆင်ရေးဖြင့် အာကာသသို့ လွှတ်တင်

 

ဝါရှင်တန် သြဂုတ် ၂၉

အမေရိကန်နိုင်ငံ၏ ၂၁ ရာစုနှစ်အတွင်း အကြီးမားဆုံးသော ဒုံးပျံတစ်စင်းကို အမေရိကန် အစိုးရ၏ အမျိုးသား စောင့်ကြည့် လေ့လာရေးရုံးမှ လျှို့ဝှက်စစ်ဆင်ရေး တစ်ရပ်အဖြစ်

ကာလီဖိုးနီးယား ပြည်နယ် ဗန်ဒါဘာ့ခ်ျ လေတပ်အခြေစိုက် စခန်းမှ အာကာသ အတွင်းသို့ သြဂုတ် ၂၈ ရက်က လွှတ်တင်ခဲ့ကြောင်း သိရသည်။

အဆိုပါ Delta IV ဒုံးပျံကြီးကို ဒေသစံတော်ချိန် မွန်းလွဲ ၂ နာရီ ၃ မိနစ်က လွှတ်တင်ခဲ့ခြင်း ဖြစ်သည်။ အဆိုပါ ဒုံးပျံသည် အမေရိကန်နိုင်ငံ အနေဖြင့် လွှတ်တင်ခဲ့သော ယခင်ဒုံးပျံများထက် ပုံသဏ္ဌာန်အရ သို့မဟုတ် ပုံစံအရများစွာ ကြီးမားကြောင်း ဗန်ဒါဘာ့ခ်ျ လေတပ် အခြေစိုက်စခန်း အမှတ်(၄) အာကာသယာဉ် လွှတ်တင်ရေး တပ်ဖွဲ့မှ တပ်မှူးဖြစ်သူ ဒုတိယ ဗိုလ်မှူးကြီး ဂျင်မ်ဘော့ဒ်နာက ပြောကြားခဲ့သည်။ အဆိုပါဒုးံပျြံကီး သည် မိုင်ပေါင်းရာချီ ကွာဝေးသည့် နေရာမှနေ၍ မြေပြင်ရှိ ကားတစ်စီး၏ အသေးစိတ် အချက်အလက်များကို တိကျစွာ ပုံဖော်ရိုက်ကူးနိုင်သော အမေရိကန်ဒေါ်လာ ၁ ဘီလီယံ တန်ဖိုးရှိ ထောက်လှမ်းရေး ဂြိုဟ်တုကို သယ်ဆောင်သွားခဲ့ကြောင်း သိရသည်။

၎င်းဒုံးပျံကြီးတွင် ဟိုက်ဒရိုဂျင် ဓာတ်ငွေ့ရည်နှင့် အောက်ဆီဂျင် ဓာတ်ငွေ့ရည်တို့ ပါဝင်သည့် အင်ဂျင်သုံးလုံး တပ်ဆင်ထားကြောင်း အဆိုပါဒုံးပျံကို တည်ဆောက်သည့် လော့ခ်ဟိဒ်မာတင်နှင့် ဘိုးအင်းကုမ္ပဏီတို့ ပါဝင်သော United Launch Alliance (ULA) မှပြောကြားခဲ့သည်။

http://www.myawady.net.mm

အောင်ပန်း- ပင်းတယ- ရပ်စောက် လမ်းပိုင်းရှိ ရာသီဥတုကြောင့်ပျက်စီးနေသော တံတား ကျောက်စီ မြေထိန်းနံရံ တည်ဆောက်

တောင်ကြီး    သြဂုတ်  ၂၅

ရှမ်းပြည်နယ် ဓနုကိုယ်ပိုင် အုပ်ချုပ်ခွင့်ရ ဒေသ  ပင်းတယမြို့နယ် အတွင်းရှိ အောင်ပန်း-ပင်းတယ- ရပ်စောက် လမ်းပိုင်း မိုင်တိုင်အမှတ်

(၁၇/၆) နှင့်(၁၇/၇) ကြားတွင် ရာသီဥတုဒဏ်ကြောင့် ပျက်စီး ယိုယွင်းနေသော ကုလားမ တံတား တံတားအမှတ် (၄/၁၈) ကို ယခုလအတွင်း ပင်းတယမြို့နယ် ဆောက် လုပ်ရေး ဦးစီးဌာန ကွင်းအင်ဂျင်နီယာက ကြီးကြပ်၍ ကျောက်စီမြေထိန်းနံရံ တည်ဆောက်လျက် ရှိသည်။

အဆိုပါ တံတားသည် ကျောက်စီ တံတားဖြစ်ပြီး အောင်ပန်း-ပင်းတယ- ရပ်စောက်လမ်းအတွက် အရေးပါသော လမ်းကူးတံတား တစ်ခု ဖြစ်သည်။ ယခုအခါ   တံတား၏ မြေသားနံရံများ ရေချောင်း အတွင်းသို့ ပြိုကျနေခြင်းကြောင့် ကျောက်စီ မြေထိန်းနံရံနှင့် တောင်နံရံတို့ကို ပြန်လည်ပြုပြင် တည်ဆောက် ထိန်းသိမ်းထားပြီး တံတားကိုအသစ်ပြန်လည် တည်ဆောက်သွားမည်ဖြစ်ကြောင်း မြို့နယ် ဆောက်လုပ်ရေး ဦးစီးဌာန တာဝန်ရှိသူ တစ်ဦးထံမှ သိရသည်။

အားကစား သိပ္ပံကျောင်းများ မော်လမြိုင်မြို့နှင့် တောင်ကြီးမြို့များတွင် ထပ်မံတိုးချဲ့ ဖွင့်လှစ်သွားမည်

 

ရန်ကုန်    သြဂုတ်    ၂၂

အားကစား ဝန်ကြီးဌာနသည် အားကစားနှင့် ကာယပညာ ပေါင်းစပ်၍ သင်တန်းကျောင်းများမှ  မျိုးဆက်သစ် အားကစားသမားများ ပေါ်ထွက်လာရေး အတွက် အားကစားနှင့် ကာယပညာ

သိပံ္ပကျောင်းများကို မော်လမြိုင်နှင့် တောင်ကြီးမြို့များ၌ တိုးချဲ့ဖွင့်လှစ်နိုင်ရန် ကြိုးပမ်းလျက် ရှိကြောင်း သိရသည်။ ''အားကစားလောက ဖွံ့ဖြိုး တိုးတက်ဖို့အတွက် အရင်က ရန်ကုန်နဲ့ မန္တလေးမှာပဲ ဒီလိုကျောင်းတွေရှိတာ။ မော်လမြိုင်ဆိုတော့ ကရင်၊ မွန်၊ တနင်္သာရီဘက်က ကလေးတွေ ခေါ်ယူ လေ့ကျင့်သင်ကြား ပေးနိုင်တာပေါ့။ တောင်ကြီးမှာ ဆိုရင်လည်း ရှမ်းပြည်နယ်ဘက်က အလားအလာရှိတဲ့ ကလေးတွေ မွေးထုတ်ပေးနိုင်မှာပါ'' ဟု အားကစား ဝန်ကြီးဌာနမှ တာဝန်ရှိသူတစ်ဦးက ပြောကြားခဲ့သည်။

ဆက်လက်ပြီး ၎င်းက ''အခုမော်လမြိုင်မှာ ဆောက်လုပ်ရေး လုပ်ငန်းစတင်နိုင်ဖို့  မြေနေရာ အတည်ပြုနိုင်ရေး ကြိုးပမ်းနေပါတယ်။ မြေနေရာ အတည်ပြုပြီးတာနဲ့ တည်ဆောက်ရေး လုပ်ငန်းတွေ စတင်မှာပါ။ မော်လမြိုင်ရော တောင်ကြီးပါ တစ်ပြ်ိုင်နက်တည်း ဖွင့်လှစ်သွားမှာပါ။ အစောဆုံး ဖွင့်နိုင်အောင်လည်း ရည်ရွယ် ထားပါတယ်။ လက်ခံ သင်ကြားပေးမယ့် အားကစားနည်း အရေအတွက်ကို အတည်ပြုလို့ မရသေးပေမဲ့ အားကစားသမား အယောက် ၁၅ဝ သင်ကြားပေးနိုင်ရေး အတွက် ရည်မှန်းထားပါတယ်'' ဟု ၎င်းက ဆက်လက် ပြောကြားခဲ့သည်။ မြန်မာနိုင်ငံတွင် မျိုးဆက်သစ် အားကစားသမားများ ပေါ်ထွန်းလာရေး အတွက် အဓိက အခန်းကဏ္ဍမှ ပါဝင်လျက်ရှိသည့် အားကစားနှင့် နည်းပညာပေါင်းစပ် သင်တန်းကျောင်းများမှာ ယခင်က ရန်ကုန်မြို့နှင့် မန္တလေး မြို့များတွင်သာ ဖွင့်လှစ် ထားရှိခဲ့သည်။

၂ဝ၁၃-၂ဝ၁၄ ပညာသင်နှစ်တွင် မန္တလေး အားကစားသိပံ္ပ၌ အားကစားနည်း (၂၅) နည်းတွင် ကျောင်းသား၊  ကျောင်းသူ စုစုပေါင်း ၅၃၂ ဦးရှိပြီး ရန်ကုန်၌ အားကစားနည်း (၂၂) နည်းတွင် ကျောင်းသားဦးရေ ၄၉၂ ဦး လေ့ကျင့် သင်ကြားပေးလျက် ရှိသည်။

မြန်မာ့လက်ရွေးစင် ဘောလုံးသမားများ ဖြစ်ကြသည့် ကျော်ကိုကို၊ ဒေးဗစ်ထန်နှင့် စိုးမင်းဦးတို့သည် အားကစားသိပံ္ပ (မန္တလေး) ကျောင်းထွက်များ ဖြစ်ကြကြောင်း သိရသည်။

လမ်းကြိတ်စက် တိုက်မိ၍ လမ်းအင်ဂျင်နီယာ တစ်ဦး သေဆုံး

မုံရွာ  သြဂုတ်  ၂၃

စစ်ကိုင်းတိုင်း ဒေသကြီး မုံရွာမြို့တွင် ယမန်နေ့ မွန်းလွဲ ၁ နာရီ ၂၅ မိနစ်က လမ်းအင်ဂျင်နီယာ အမျိုးသမီး တစ်ဦး လမ်းကြိတ်စက် တိုက်မိ၍ သေဆုံး ခဲ့ကြောင်း သိရသည်။

ဖြစ်စဉ်မှာ မုံရွာမြို့ မုံရွာတောင် ရပ်ကွက် ရပ်ကွက် အုပ်ချုပ်ရေးမှူးရုံး အနီး ဗိုလ်ချုပ်လမ်း၌ မြင်းခြံမြို့နယ် မြစ်သာကျေးရွာနေ ယာဉ်မောင်းမြင့်မောင် ၂၉ နှစ်(ဘ)ဦးအေးဝင်း မောင်းနှင်သည့် လမ်းကြိတ်စက်သည် လမ်းပြုပြင်ခြင်း လုပ်ငန်း ဆောင်ရွက်နေစဉ် နောက်ပြန် မောင်းနှင်စဉ် လမ်းအလယ်၌ စာရင်းမှတ်နေသည့် မုံရွာမြို့နယ် မြေနဲကျေးရွာမှ ရွှေတောင်ကုမ္ပဏီ ဝန်ထမ်းဖြစ်သော ထွေးထွေးအိကျော် ၃၂ နှစ် (ဘ)ဦးကျော်ညွန့်အား တိုက်မိရာ ဒဏ်ရာများ ပြင်းထန်စွာ ရရှိပြီး သေဆုံးသွားကြောင်း သိရသည်။ အဆိုပါ ဖြစ်စဉ်နှင့် ပတ်သက်၍ မုံရွာမြို့အမှတ်(၁) ရဲစခန်းမှ မြင့်မောင်အား ယာဉ်(ပ) အမှတ် ၁ဝ၆/၂ဝ၁၃၊ ပြစ်မှုဆိုင်ရာဥပဒေပုဒ်မ ၃ဝ၄-ကအရ အမှုဖွင့် အရေးယူ ထားကြောင်း သိရသည်။ 

http://www.myawady.net.mm

http://maunghtetaungkyaw.blogspot.com/2013/08/blog-post_8400.html

တောင်ကြီး မီးပုံးပျံပွဲကြောင့် စက္ကူနှင့် အခြားဆက်စပ် ပစ္စည်းများ ဈေးတက်

တောင်ကြီး  သြဂုတ်   ၂၂

မြန်မာနိုင်ငံတွင် နှစ်စဉ် ကျင်းပသည့် အကြီးမားဆုံး မီးပုံးပျံပွဲ တစ်ခုဖြစ်သော ရှမ်းပြည်နယ် (တောင်ပိုင်း)၏ အထင်ကရ ပွဲတော်   တန်ဆောင်တိုင် မီးပုံးပျံ ပြိုင်ပွဲတွင် အသုံးပြုသည့် စက္ကူ၊ ယမ်း၊ ကန့်နှင့် အခြားဓာတု ပစ္စည်းများမှာ ယခင်ကထက် ဈေးနှုန်း မြင့်တက် သွားကြောင်း သိရသည်။

အဆိုပါ မီးပုံးပျံသုံး စက္ကူများမှာ ညမီးကျည် မီးပုံးပျံတွင် အသုံးပြုသော ဆီစိမ်စက္ကူ ဖြစ်ပြီး ၂၂ လက်မ တစ်ချပ်လျှင် ယခင် ငွေကျပ် ၂ဝဝ အောက်  ပေါက်ဈေးရှိရာက  ယခုအခါ ငွေကျပ် ၂၃ဝ မှ ၂၈ဝ အထိ မြင့်တက်သွားကာ စိန်နားပန် မီးပုံးပျံတွင် အသုံးပြုသော စက္ကူပါးချပ်များမှာ ၂၂ လက်မ ပတ်လည်တစ်ချပ်လျှင် ငွေကျပ် ၁၅ဝ ရှိခဲ့ရာမှ ယခုအခါ ငွေကျပ် ၁၈ဝ မှ ၂ဝဝ အထိ   မြင့်တက်ခဲ့သည်။ ပွဲတော် နီးကပ်လာပါက အဆမတန် ဈေးမြင့်တက်မည် စိုးသဖြင့် မီးပုံးပျံ ဝါသနာရှင် များသည် ယခု လဆန်းပိုင်းမှ စတင်၍ ပစ္စည်းများ ဝယ်ယူ စုဆောင်းလျက် ရှိကြောင်း တောင်ကြီး မီးပုံးပျံ ပြုလုပ်သူ များထံက သိရသည်။

လူငယ်များပြုလုပ်သည့် တိရစ္ဆာန်ရုပ် မီးပုံးပျံ၏  ခြေချောင်းများ၌ ကပ်ရသော စက္ကူပါး ၂၅ လက်မတစ်ချပ်လျှင် ယခု ငွေကျပ် ၃ဝ အထိ ဝယ်ယူ နေရ သည်ဟု မီးပုံးပျံ ပြုလုပ်သူ လူငယ်တစ်ဦးက  ပြောကြားခဲ့သည်။

မီးပုံးပျံသုံး ဆက်စပ်ပစ္စည်း အများစုကို တရုတ် နိုင်ငံထွက် ပစ္စည်းများဖြင့် အသုံးပြုနေရပြီး  ယမ်းစိမ်းများကို ရှမ်းပြည်နယ် (မြောက်ပိုင်း)မှ မှာယူရသဖြင့် သယ်ယူ စရိတ်များနှင့် ပေါင်းလိုက်ပါက ယခင်ဈေး များထက် နှစ်ဆခန့် များပြားနေကြောင်း သိရသည်။

''တောင်ကြီး မီးပုံးပျံပွဲကို နိုင်ငံခြား ဧည့်သည်တွေ ယခင်နှစ်ထက် ပိုလာနိုင်တယ်။  ဘာကြောင့်လဲ ဆိုတော့ မြန်မာ နိုင်ငံက မီးပုံးပျံ ပွဲတော်ဟာ  အာဆီယံ နိုင်ငံတွေထဲမှာ   အကြီးဆုံး ပွဲတော်အဖြစ် သတ်မှတ်လို့ ရတဲ့အပြင် ခရီးသွားတွေ အတွက် အမြင်ဆန်းများ  ရရှိ စေနိုင်ပါတယ်'' ဟု မီးပုံးပျံ ဝါသနာရှင် ဦးတင့်ဆန်းက ပြောကြားခဲ့သည်။

အင်းလေးကန်အတွင်း ခရုများဖျက်ဆီးမှုကြောင့် သီးနှံများ ပျက်စီးနေ

ရှမ်းပြည်နယ်၊ ညောင်ရွှေမြို့၊ အင်းလေးကန်အတွင်း ခရုများဖျက်ဆီးမှုကြောင့် ကောက်ပင်များ၊ သီးနှံပင်များ ပျက်စီး
နေကြောင်း အင်းလေးဒေသရှိ တောင်သူများက သြဂုတ် ၁၉ ရက်တွင် မဇ္ဈိမကို ပြောသည်။

အင်းဒေသရှိ ကျွန်းကြီးတောင် ကျေးရွာမှ စပါးစိုက်တောင်သူ ဦးစံငြိမ်းက “ခရုတွေက အင်းလေးကန် အလယ် ကနေစီးပြီးတော့ပါလာတာပါ၊ ရေစီးချောင်းအတွင်း လိုက်တက်လာပြီးတော့ သီးနှံပင်တွေ၊ ကောက်ပင်တွေကို ဖျက်စီးတော့တာပါပဲ”ဟု ပြောသည်။

၎င်းက ဆက်လက်၍ “သည်ခရုတွေ စားသွားတဲ့ စပါးပျိုးပင်တွေနေရာမှာ ပြန်ပြီးတော့ ပျိုးပင်အသစ်တွေ ထပ်စိုက်နေရတော့ စားရိတ်လည်းပိုတယ်၊ လုပ်အားခလည်း ပိုမိုကုန်နေပါတယ်၊ ပျိုးပင်အပို မရှိသူတွေ ဆိုရင်တော့ ခရုတွေစားသွားတဲ့နေရာကို ပြန်ဖာဖို့ မရှိတော့ပါဘူး”ဟု ဆိုသည်။

ယင်းကဲ့သို့ သီးနှံပင်များ ခရုများဖျက်စီးခြင်း ခံနေရသည့်အတွက် စပါးအထွက်နှုန်း တစ်ဝက်ခန့်လျော့ကျ သည်ဟုလည်း တောင်သူများက ဆိုသည်။ ခရုများသည် ညအချိန်တွင်မှ စပါးပျိုးပင်များကို ကိုက်ဖျက် စားတတ်ပြီး ၂၀၀၅ ခုနှစ်က စတင်ကာ အင်းလေးကန်အတွင်း ခရုများရောက်ရှိလာခြင်းဖြစ်ကာ မျိုးပွားနှုန်း မြန်သဖြင့် လွန်ခဲ့သည့် နှစ်နှစ်ခန့်မှစတင်ပြီး ပိုမိုပွားများခြင်း ဖြစ်သည်ဟုလည်း အင်းလေးဒေသခံ တောင်သူများက ပြောသည်။

ဦးစံငြိမ်းက “အခုလိုဖြစ်နေတာ အင်းလေးတစ်နယ်လုံးပါ၊ ညအချိန်ဆိုရင် ခရုတွေက စပါးပင်တွေ ဒိုက်ပင်တွေမှာ ဥတွေ ဥချတတ်တယ်၊ ခရုတွေ လိုက်ကောက်ပြီးတော့ မြေပေါ်ပုံထားတာတောင် အကောင်ရေများလို့ မရည်တွက်နိုင်ပါဘူး”ဟု မဇ္ဈိမကို ပြောသည်။

ယင်းကဲ့သို့ စပါးပျိုးပင်များအား ဖျက်ဆီး စားသောက်နေသည့် ခရုကြီးများသည် အညိုရောင် ဖြစ်ပြီး၊ လုံးပတ် တစ်လက်မခွဲခန့် ရှိကြောင်း၊ ယင်းခရုများကြောင့် စပါးစတင်စိုက်ပျိုးသည့် မတ်လနှင့် စပါးရိတ်သိမ်းချိန် သြဂုတ်လတို့တွင် အခက်ခဲများ ကြုံနေရကြောင်း မင်းချောင်း အလယ်ရွာဒေသခံ တောင်သူများက ပြောသည်။

မဇ္ဈိမ

Bill Gate ၏ လူမသိသေးသည့်အချက် (9) ချက်

၁။ စက္ကန့်တိုင်းလျှင် အမေရိကန် ၂၅၀ ဒေါ်လာဝင်ငွေရှိပြီး တစ်ရက်တာကာလအတွက် ဒေါ်လာသန်း ၂၀ ၀င်ငွေရှိ၍ တစ်နှစ်ဝင်ငွေ ၇.၈ ဘီလီယံရှိသည်။

... ၂။ အကယ်၍ သူသည် ဒေါ်လာတစ်ထောင်ပြုတ်ကျသွားခဲ့သည်ဆိုပါလျှင်ဘယ်တော့မှပြန်ကောက်လိမ့်မည်မဟုတ်ပါ။ အဘယ်ကြောင့်ဆိုသော် အဆိုပါပြန်လည်ကောက်ယူမည့်အချိန် ၄ စက္ကန့်တွင်ပင် သူသည် ဒေါ်လာတစ်ထောင်ပြန်လည်ရရှိခဲ့ပြီးဖြစ်သောကြောင့်တည်း။

၃။ အမေရိကန် ဖက်ဒရယ် အစိုးရ၏ ပြင်ပကြွေးမြီသည် ၅.၆၂ ထရီလီယံမျှရှိသည်။ အကယ်၍ ဘီလ်ဂိတ်သာ အဆိုပါ အကြွေးကို ပေးဆပ်ရမည်ဆိုပါက ၁၀ နှစ်မပြည့်မီကာလတွင်ပင် အကြွေးကျေသွားလိမ့်မည်။

၎။ ကမ္ဘာပေါ်ရှိလူတိုင်းကို ၁၅ ဒေါ်လာစီ အလှူဒါနပြုခဲ့သည်ဆိုသော် ၎င်းအိတ်ကပ်ထဲတွင် ဒေါ်လာ ၅ သန်းခန့် ကျန်ရှိနေဦးမည် ဖြစ်သည်။

၅။ အမေရိကန်အားကစားလောကတွင် အချမ်းသာဆုံးစာရင်းဝင်ဖြစ်သော
မိုက်ကယ်ဂျော်ဒန် ၂၂၇ နှစ်ခန့် မစားမသောက်ဘဲစုမှ ရရှိမည့် ၀င်ငွေသည် ဘီလ်ဂိတ်၏ လက်ရှိပိုင်ဆိုင်မှုကိုမှီနိူင်မည်။

၆။ ဘီလ်ဂိတ်တွင် တိုင်းပြည်တစ်ခုရှိသည် ဆိုပါလျှင် ကမ္ဘာပေါ်တွင် ၃၇ ယောက်မြောက်အချမ်းသာဆုံးပုဂ္ဂိုလ်ဖြစ်လိမ့်မည်။

၇။ ဘီလ်ဂိတ်၏ ပိုင်ဆိုင်မှုကို တစ်ဒေါ်လာတန်များဖြင့် စီတန်းလိုက်မည်ဆိုပါကကမ္ဘာမှ လကမ္ဘာအထိ စီတန်းနိူင်ပြီး အသွားအပြန် ၁၄ ကြိမ် စီတန်းနိူင်မည်။ ထိုသို့ပြုလုပ်ရန် နှစ်ပေါင်း ၁၄၀၀ ကြာမြင့်မည်ဖြစ်ပြီး ဘိုးအင်း ၇၄၇ လေယာဉ်ဖြင့် ဆိုပါက ၇၁၃ ခေါက်တိတိ သယ်ယူပို့ဆောင်ပေးရမည်ဖြစ်သည်။

၈။ အသက် ၉၀ ပျမ်းမျှနှုန်းအရ တွက်ချက်မည်ဆိုပါက ယခု ဘီလ်ဂိတ်၌ ရှိနေသောအသက်အရွယ်မှ မသေဆုံးခင်အချိန်အထိ သူ၏ စည်းစိမ်ဥစ္စာများကို တစ်နေ့လျှင် ၆.၇၈ သန်း သုံးဖြုန်းပစ်မှသာ ကုန်ဆုံးနိူင်ပေမည်။

၉။ သို့ရာတွင် ကျွန်ုပ်တို့ကွန်ပျူတာသုံးစွဲနေကြသော Windows သမားများသည် Microsoft Windows Error တက်စဉ်တိုင်း ( သို့မဟုတ် ) Hang သွားသည့်အချိန်တိုင်းတွင် အမေရိကန်တစ်ဒေါ်လာနှုန်းမျှသာ ဘီလ်ဂိတ်ကိုတာင်းခံရမည်ဆိုပါက သူသည် သုံးရက်အတွင်း ဒေ၀ါလီခံသွားရနိူင်ပေသည်။

by Salai KM M

လက်ခုပ်တီး၍ ချိတ်ဖြုတ်နိုင်သည့် ဘရာစီယာ အမေရိကန်ပညာရှင် တီထွင်

 

လက်ခုပ်တီး၍ ချိတ်ဖြုတ်နိုင်သည့် ဘရာစီယာကို အဆစ်ရောင် ဝေဒနာသည်များအတွက် ရည်ရွယ် ဖန်တီးထားခြင်းဖြစ်ပါသည်။

လက်ခုပ်တီးလိုက်သည်နှင့် အလိုလို ချိတ်ဖြုတ်ပြီးသား ဖြစ်သွားသည့် အမျိုးသမီး အတွင်းခံ ဘရာစီယာ တစ်မျိုးကို အမေရိကန် ပညာရှင်တစ်ဦးက တီထွင်လိုက်ကြောင်း သိရသည်။ ဆန်ဖရန် ဆစ္စကိုတွင် နေထိုင်သည့် အမျိုးသား ဒီဇိုင်းပညာရှင် တစ်ဦးသည် ယခုလို ထူးထူးဆန်းဆန်း အတွင်းခံမျိုးကို တီထွင် ဒီဇိုင်းထုတ်လိုက်ခြင်း ဖြစ်သည်။ ဘက်ထရီ စွမ်းအင် ဖြည့်ထားရသည့် ဘရာစီယာသည် တစ်ဦးဦးက လက်ခုပ်တီးလိုက်သည့် အသံကို တုံ့ပြန်ကာ လျှပ်စစ်သံလိုက်လှိုင်း တစ်ခု တွန်းကန်ခြင်းဖြင့် ချိတ်ကို ပြုတ်သွားစေသည်ဟု ဆိုသည်။

လက်ခုပ်သံကို အာရုံခံသည့် စနစ်သည် သံလိုက်ကို အလှည့်အပြောင်း ဖြစ်စေပြီး ယခုလို ဖြစ်စဉ်တစ်ရပ်ထံ ဦးတည်စေရန် ဖန်တီးထားခြင်း ဖြစ်သည်။ အဆိုပါ ဘရာစီယာကို အဆစ်ရောင် ဝေဒနာသည်များအတွက် ရည်ရွယ် ဖန်တီးထားခြင်း ဖြစ်သည်။ ထိုအခြေအနေကြောင့် အဆစ်အမြစ်များ ရောင်ရမ်းနာကျင်တတ်သည့် အမျိုးသမီး တစ်ဦးသည် သူမ၏ အတွင်းခံကို ချွတ်ရာတွင် အခက်အခဲ ကြုံရနိုင်တော့မည် မဟုတ်ဟု ဆိုသည်။ ဒီဇိုင်းပညာရှင် ရန်ဒီ ဆာရာဖန်သည် ဆီးရီးယား ဈေးတန်းတစ်ခုတွင် အဆင့်မြင့် နည်းပညာသုံး ဘရာစီယာ အချို့ကို တွေ့ ရှိပြီးနောက် ၎င်းကိုယ်ပိုင် စိတ်ကူးဖြင့် ဘရာစီယာသစ် တစ်မျိုးကို တီထွင်ခဲ့ခြင်းဟု သိရသည်။

အနောက်နိုင်ငံတွေ အနေနဲ့ အာရပ်ကမ္ဘာမှာ လိင်ပိုင်းဆိုင်ရာ ချုပ်တည်းပိတ်ပင်တဲ့ လူ့အဖွဲ့အစည်း တစ်ခုလို ရှုမြင်ကြပါတယ်။ ဒါပေမဲ့ အမျိုးသမီး အတွင်းခံ နည်းပညာတွေအတွက် ကြော်ငြာ ရာမှာတော့ သူတို့က ရှေ့တန်းကနေ ပွင့်ပွင့်လင်းလင်း မြင်သာလွန်းတယ်။ ဒီတော့ ကျွန်တော်ကလည်း အနောက် ကမ္ဘာရဲ့ ပထမဆုံး နည်းပညာသုံး ဘရာစီယာ တီထွင်သူ ဖြစ်လာဖို့ စဉ်းစားလိုက်ပါတယ်။ လက်ခုပ်တီးရုံနဲ့ ချိတ်ပြုတ်သွားတဲ့ ဘရာစီယာဆိုတာ အနောက်ကမ္ဘာရဲ့ ဘရာစီယာ နည်းပညာ ထိုးထွင်းဖန်တီးမှု တစ်ခုလို့ပဲ ယူဆကြပါစို့"ဟု ဆာရာဖန် က ပြောကြား သွားသည်။ ဆာရာဖန်၏ နည်းပညာသည် အဆစ် အမြစ်ရောင် ဝေဒနာရှင်များအပြင် ရုပ်ပိုင်းဆိုင်ရာ သန်စွမ်းမှု ချို့တဲ့နေသူများ အတွက်ပါ အသုံးဝင်မည်ဟု မျှော်လင့်ထားသည်။ လက်ခုပ် တီးခြင်းဖြင့် မီးခလုတ် အဖွင့်အပိတ် လုပ်နိုင်သော နည်းပညာမျိုးသည် (၁၉၈၀)ပြည့်လွန် နှစ်များကတည်းက တီထွင် အသုံးပြုပြီး ဖြစ်သည်။

Daily Onilne

တောင်ကြီးမြို့ရှိ တောင်ကြီးဟိုတယ်တွင် ငြိမ်းချမ်းရေးအတွက် ယုံကြည်မှု တည်ဆောက်ခြင်း တတိယအကြိမ် တွေ့ဆုံဆွေးနွေးမည်

ရှမ်းတိုင်းရင်းသားများ ဒီမိုကရေစီ အဖွဲ့ချုပ်မှ ဦးဆောင် ပြုလုပ်နေသည့် ငြိမ်းချမ်းရေးအတွက် ယုံကြည်မှု တည်ဆောက်ခြင်း တတိယအကြိမ် တွေ့ဆုံဆွေးနွေးပွဲကို စက်တင်ဘာ ၂၁ ရက်မှ ၂၃ ရက်အထိ ရှမ်းပြည်နယ် တောင်ကြီးမြို့ရှိ တောင်ကြီးဟိုတယ်တွင် ပြုလုပ်သွားမည်ဖြစ်ပြီး ဆွေးနွေးပွဲတွင် တိုင်းရင်းသား လက်နက်ကိုင် အဖွဲ့အစည်း အများစု ပါဝင်လာမည် ဖြစ်ကြောင်း သိရသည်။

ယခင်တွေ့ဆုံမှု အကြိမ်များတွင် ရှမ်းတိုင်းရင်းသားများ ဒီမိုကရေစီ အဖွဲ့ချုပ်က ဦးဆောင် ပြုလုပ်ခဲ့ခြင်းဖြစ်ပြီး လာမည့် တတိယအကြိမ် ဆွေးနွေးပွဲကိုမူ တိုင်းရင်းသား ပေါင်းစုံပါဝင်သည့် ဖြစ်မြောက်ရေး ကော်မတီဖြင့် ပြုလုပ်သွားမည် ဖြစ်ကာ အဆိုပါ အဖွဲ့ကို လက်ရှိတွင် အဖွဲ့ကိုးဖွဲ့ဖြင့် ဖွဲ့စည်းထားကာ နောက်ပိုင်းတွင် မွန်အဖွဲ့များပါ ပါဝင်လာမည် ဖြစ်ကြောင်း သိရသည်။

အဆိုပါ အဖွဲ့ကိုးဖွဲ့မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ်၊ '၀' ဒီမိုကရက်တစ်ပါတီ၊ ကယန်းပြည်သစ်ပါတီ၊ ကယန်းအမျိုးသားပါတီ၊ SSPP/SSA အဖွဲ့၊ အင်းအမျိုးသား ဖွံ့ဖြိုးတိုးတက်ရေးပါတီ၊ ဓနုတိုင်းရင်းသား လူမျိုးများ ဒီမိုကရေစီပါတီနှင့် ကိုးကန့်ဒေသမှ နှစ်ပါတီတို့ဖြစ်ပြီး မွန်ဒေသလုံးဆိုင်ရာ ဒီမိုကရေစီပါတီ၊ မွန်ဒီမိုကရေစီပါတီနှင့် မွန်ပြည်သစ်ပါတီတို့လည်း ကော်မတီတွင် ထပ်မံပါဝင်ရန်ရှိကြောင်း သိရသည်။

''ငြိမ်းချမ်းရေးအတွက် ယုံကြည်မှု တည်ဆောက်မှာက ရှမ်း၊ ကယားနဲ့ မွန်အဖွဲ့တွေပါမယ်။ ဖိတ်ကြားသူများထဲမှာ ငြိမ်းချမ်းရေးဖော်ဆောင်ရေး ကော်မတီ ဥက္ကဌ ဒေါက်တာစိုင်းမောက်ခမ်း ဒုဥက္ကဌ များဖြစ်ကြသော ဗိုလ်ချုပ်ကြီး စိုးဝင်း ၊ သမ္မတရုံး ၀န်ကြီး ဦးအောင်မင်း ၊ ရှမ်း/ကယား/မွန် မှ ၀န်ကြီးချုပ်နှင့် လွှတ်တော် ဥက္ကဌ ၊ လေ့လာသူတွေ အနေနဲ့က ရခိုင်ကဆိုရင် ရခိုင်ဒီမိုကရေစီအဖွဲ့ချုပ်နဲ့ ရခိုင်တိုင်းရင်းသားများ တိုးတက်ရေးပါတီ၊ ကရင်ကဆိုရင် KNU နဲ့ DKBA ၊ ကချင်က KIO ကပါမယ် ၊ ချင်းကဆိုရင် ချင်းအမျိုးသားတပ်ဦး (CNF)နဲ့ ဇိုမီးဒီမိုကရေစီ အဖွဲ့ချုပ်တို့ကို ဖိတ်မယ်။ နောက်ပြီး ၈၈ မျိုးဆက်အဖွဲ့လို တခြားလူမှု အခြေပြု အဖွဲ့အစည်းတွေကိုလည်း ဖိတ်ကြားဖို့ရှိတယ်။ ကချင်ကိုတော့ ငြိမ်းချမ်းရေး ဖော်ဆောင်မှု လုပ်ငန်းတွေမှာ တိုးတက်ရင် တိုးတက်သလို ညှိနှိုင်းမှုပေါ်မူတည်ပြီး ဖိတ်ရင် ဖိတ်သွားမယ်'' ဟု ရှမ်းတိုင်းရင်းသား ဒီမိုကရေစီ အဖွဲ့ချုပ်မှ ပြောရေးဆိုခွင့်ရှိသူ ဦးစိုင်းလိတ်က ပြောကြားသည်။

ဖစ်ကြောင်း ဦးစိုင်းလိတ်က ဆိုသည်။ ထို့ပြင် အစိုးရအဖွဲ့ဘက်မှ ယခင်အကြိမ်များတွင် တက်ရောက်ခဲ့သည့် ငြိမ်းချမ်းရေး ဖော်ဆောင်မှုလုပ်ငန်း ကော်မတီကိုလည်း ဖိတ်ကြားသွားမည်ဖြစ်ပြီး ရှမ်း၊ ကယား၊ မွန်တို့မှ ၀န်ကြီးချုပ်များနှင့် လွှတ်တော်ဥက္ကဋ္ဌများကို ဖိတ်ကြားသွားမည် ဖြစ်ကြောင်း သိရသည်။
ချင်းအမြိ

— with Abfsu Fac.

https://www.facebook.com/saikaung.myat.5?hc_location=stream

ကန့်ဘလူမြို့နယ်၊ ထန်းကုန်းရွာ ပဋိပက္ခဖြစ်စဉ် နောက်ဆုံးရသတင်း

 

 

ကန့်ဘလူမြို့နယ်၌ မိန်းကလေးတစ်ဦး ကာအိန်ဒြေ ပျက်ပြားအောင် ပြုလုပ်၍ အနိုင်ကျင့် စော်ကားရန် ကြိုးစားရာမှ အစပြုပြီး လူအုပ်စုဖြင့် မီးရှို့ဖျက်ဆီးမှုများ ဖြစ်ပွား

( ဩဂုတ်လ၊၂၅ ရက်နေ့၊ ည ၈နာရီ၊ ၁၅ မိနစ်တွင် ရရှိသော သတင်းများကို ဆက်လက်ဖော်ပြအပ်ပါသည်)

စစ်ကိုင်းတိုင်းဒေသကြီး ကန့်ဘလူမြို့နယ်၌ ယမန်နေ့က အမျိုးသမီးတစ်ဦးအား အမျိုးသား တစ်ဦးက ကာအိန်ဒြေ ပျက်ပြားအောင် ပြုလုပ်၍ အနိုင်ကျင့် စော်ကားရန် ကြိုးစားရာမှ အစပြုပြီး မကျနေပ်သူ လူအုပ်စုက ဈေးဆိုင်နှင့် နေအိမ်အချို့အား မီးရှို့ဖျက်ဆီးမှုများ ပြုလုပ်ခဲ့ကြောင်း၊ တာဝန်ရှိ သူများက မီးရှို့ဖျက်ဆီးမှုများ ထပ်မံမဖြစ်ပွားစေရေးအတွက် ထိန်းသိမ်းဆောင်ရွက်လျက် ရှိပြီး မီးရှို့ဖျက်ဆီးသူဟု ယူဆရသူများအား ဖမ်းဆီးထိန်းသိမ်း စစ်ဆေးလျက် ရှိကြောင်း သိရှိ ရသည်။

ယမန်နေ့ ညနေ ၆ နာရီခွဲခန့်တွင် ကန့်ဘလူမြို့နယ် ထန်းကုန်းကျေးရွာရှိ ဆံပင်ရောင်း/ဝယ်ဆိုင် မှ ပြန်လာစဉ် ထန်းကုန်းကျေးရွာနှင့် ဇီးပင်သာ ကျေးရွာကြား အရောက် ထန်းတော ကျေးရွာနေ ဆန်းမင်းဦး(ဘ) ဦးဆန်းဝင်းက လက်ဆွဲပြီး ဖက်လုံးကာ အနိုင်ကျင့် စော်ကားရန် ကြိုးစားခဲ့ကြောင်း၊ ထိုအချိန်တွင် ဇီးပင်သာ ကျေးရွာဖက်မှ အမျိုးသားတစ်ဦး ရောက်ရှိလာ သဖြင့် ဆန်းမင်းဦးသည် ထန်းကုန်းကျေးရွာဘက်သို့ ထွက်ပြေးခဲ့သော်လည်း ဝိုင်းဝန်းဖမ်းဆီး သဖြင့် ဖမ်းဆီးရမိခဲ့ကြောင်း၊ ဆန်းမင်းဦးအား ထန်းကုန်းရဲစခန်းမှ တစ်ဆင့် ကန့်ဘလူမြို့မ ရဲစခန်းသို့ ပြောင်းရွှချေု့ပ်နှောင်ခဲ့ပြီး မလိုလားအပ်သော ပြဿနာများ မဖြစ်ပွားစေရန် အတွက် ညပိုင်းတွင် ရွှဘေိုထောင်သို့ ပို့ဆောင်ခဲ့ကြောင်း။

ည ၇ နာရီခွဲခန့်တွင် ထန်းကုန်းကျေးရွာနှင့် ဇီးပင်သာ ကျေးရွာတို့မှ ရွာသူရွာသား ၁၅၀ ခန့်သည် ထန်းကုန်းရဲစခန်းသို့ ရောက်ရှိလာပြီး ဆန်းမင်းဦးအား ထုတ်ပေးရန် တောင်းဆိုခဲ့ ကြောင်း၊ ထို့နောက် လူအုပ်စုသည် သံလမ်းဘေးရှိ ဈေးဆိုင်နှင့် နေအိမ်အချို့အား မီးရှို့ဖျက်ဆီး ခဲ့ကြောင်း သိရသည်။

အခင်းဖြစ်ပွားရာ နေရာသို့ မြို့နယ် စီမခံခန့်ခွဲမှု ကော်မတီ ဥက်ကဋ်ဌ၊ မြို့နယ်ရဲတပ်ဖွဲ့မှူးနှင့် တာဝန်ရှိသူများသည် ည ၈ နာရီခန့်တွင် ရောက်ရှိပြီး ဆူပူအကြမ်းဖက်မှုများ ထပ်မံမဖြစ်ပွား စေရန် ထိန်းသိမ်းဆောင်ရွက်နေသည့်ကြားမှ အဆိုပါ လူအုပ်စုသည် ည ၉ နာရီခန့်တွင် ကြက်ခြံတစ်ခြံ၊ ဈေးဆိုင် နှစ်ဆိုင်နှင့် ဆန်ပွဲရုံ တစ်ခု၊ လူနေအိမ်တစ်လုံးတို့အား ဆက်လက် ဖျက်ဆီးမီးရှို့ခဲ့ကြသည်။

ထို့နောက် ည ၁၀ နာရီခွဲခန့်တွင် ရပ်ကွက် ၁ မှ လက်ဖက်ရည်ဆိုင်နှင့် ဆန်ပွဲရုံ၊ ကွမ်းယာဆိုင် တို့အား မီးရှို့ခဲ့ရာ တိုင်းဒေသကြီး လုံခြုံရေးနှင့် နယ်စပ်ရေးရာဝန်ကြီးနှင့် ခရိုင်ရဲတပ်ဖွဲ့မှူးတို့ ရောက်ရှိပြီး ဆူပူမှုအား ထိန်းသိမ်း ဆောင်ရွက်ခဲ့သည်။

ယင်းလူစုသည် ယနေ့နံနက် ၁ နာရီခန့်တွင် အနီးပတ်ဝန်းကျင်ကျေးရွာများမှ ရောက်ရှိလာ သော လူအင်အား ၁၀၀၀ ခန့်နှင့် ရပ်ကွက်(၃)ရှိ နေအိမ်များအား ဆက်လက်မီးရှို့ရန် ရောက်ရှိ လာစဉ် တိုင်းဒေသကြီး လုံခြုံရေးနှင့် နယ်စပ်ရေးရာ ဝန်ကြီးနှင့် လုံခြုံရေးအဖွဲ့များရောက်ရှိပြီး ရွှဘေိုခရိုင်ရဲတပ်ဖွဲ့မှူးက လူအုပ်စုအား မီးမရှို့ရန်နှင့် ရှဆေ့က်မတက်ရန် တားမြစ်ရာ လူအုပ်စုက လေးခွများဖြင့် ပစ်ခတ်သဖြင့် နံနက် ၁ နာရီ ၁၅ မိနစ်ခန့်တွင် သေနတ်ပစ်ဖောက် လူစုခွဲခဲ့ရသည်။

ထိုသို့ တားမြစ်စဉ်အတွင်း မီးငြိမ်းသတ်နေသည့် မီးသတ်ကားများအား ဆည်ရေသွယ်မြောင်းမှ ရေဖြည့်၍ မရအောင် တားမြစ်ခြင်း၊ မီးသတ်တပ်ဖွဲ့ဝင်များအား အန်တရာယ်ပြုခြင်းတို့ကြောင့် ဒုတိယအကြိမ် သေနတ်ပစ်ဖောက် အသိပေးပစ်ခတ်ခဲ့ရာ လူအုပ်စုများ လူစုကွဲသွားပြီး မီးသတ်ကားများ ရေဖြည့်နိုင်ကာ မီးငြိမ်းသတ်ခြင်းကို ဆက်လက် ဆောင်ရွက် နိုင်ခဲ့သည်။

ရဲတပ်ရင်းမှ တပ်ဖွဲ့ဝင်များသည်လည်း ထန်းကုန်းကျေးရွာသို့ နံနက် ၃ နာရီ ကျော်ခန့်တွင် ရောက်ရှိပြီး လုံခြုံရေးကိစ်စရပ်များနှင့် မီးငြိမ်းသတ်ခြင်းတို့ကို ကူညီဆောင်ရွက်ခဲ့ကြသဖြင့် လည်းကောင်း၊ မီးသတ်တပ်ဖွဲ့ဝင် ၇၀ ခန့်က မီးသတ်ကား ၁၀ စီးဖြင့် မီးငြိမ်းသတ်ခဲ့မှုကြောင့် လည်းကောင်း နံနက် ၃ နာရီခွဲခန့်တွင် မီးညွန့်ကျိုးခဲ့ပြီး နေအိမ် ၄၄ လုံး မီးလောင်ပျက်စီးခဲ့ကာ ရွာအတွင်းရှိ ဈေးဆိုင် ၉ ဆိုင်၊ အိမ်ဆိုင် ၄ ဆိုင် ဖျက်ဆီးခြင်း ခံခဲရကြောင်း၊ မီးသတ် တပ်ဖွဲ့ဝင်တစ်ဦးနှင့် အခြားတစ်ဦးတို့ ဒဏ်ရာရာများ ရရှိခဲ့ကြောင်း သိရသည်။

ဖြစ်စဉ်ဖြစ်ပွားလျှင် ဖြစ်ပွားချင်း တိုင်းဒေသကြီးဝန်ကြီးချုပ်သည် ကန့်ဘလူမြို့သို့ တိုင်းဒေ သကြီး စည်ပင်သာယာရေး ဝန်ကြီးအား လည်းကောင်း၊ ရေဦးမြို့သို့ တိုင်းဒေသကြီး စိုက်ပျိုးရေးနှင့် မွေးမြူရေးဝန်ကြီးအားလည်းကောင်း စေလွှတ်၍ ကွပ်ကဲဆောင်ရွက်စေ ခဲ့ကြောင်း၊ တိုင်းဒေသကြီးဝန်ကြီးချုပ်နှင့် တိုင်းဒေသကြီး ဘဏ်ဍာရေးဝန်ကြီး၊ တိုင်းဒေသကြီး တရားသူကြီး၊ တိုင်းဒေသကြီး ဥပဒေအရာရှိ၊ တိုင်းဒေသကြီး သာသနာရေးဦးစီးမှူးနှင့် အဖွဲ့သည် ည ၁၁ နာရီ မိနစ် ၅၀ ခန့်တွင် ရွှဘေိုမြို့သို့ ရောက်ရှိပြီး မြို့လုံခြုံရေးကိစ်စများ စီမံဆောင်ရွက်ကာ ယနေ့ နံနက် ၆ နာရီခွဲခန့်တွင် ကန့်ဘလူမြို့မှ တစ်ဆင့် ထန်းကုန်း ကျေးရွာသို့ ရောက်ရှိခဲ့ကြောင်း၊ ထို့နောက် အကြမ်းဖက်မှုများ ထပ်မံမဖြစ်ပွားစေရေးအတွက် တိုင်း ဒေသကြီး လုံခြုံရေးနှင့် စည်ပင်သာယာရေးဝန်ကြီး၊ နယ်မြေခံလွှတ်တော်ကိုယ်စားလှယ်၊ တိုင်း/ခရိုင် ရဲတပ်ဖွဲ့မှူး၊ ခရိုင်/ မြို့နယ်စီမံခန့်ခွဲမှုကော်မတီဥက်ကဋ်ဌများနှင့် တာဝန်ရှိသူများအား အကြမ်းဖက်မှုများ ဆက်လက်မဖြစ်ပွားစေရန် အဖွဲ့ငယ်များ ဖွဲ့၍ ပတ်ဝန်းကျင်ကျေးရွာများသို့ ကွင်းဆင်း စည်းရုံးဆောင်ရွက်စေခြင်း၊ ရွာသူရွာသားများနှင့် ဘာသာရေး အဖွဲ့များအား တွဆေုံ့အားပေးခြင်း၊ မီးရှို့ဖျက်ဆီးခံရသည့် ရွာသူရွာသားများအား ယာယီကယ်ဆယ်ရေးစခန်း ဖွင့်လှစ် ဆောင်ရွက်ရန် စီမံပေးခြင်းများ ဆောင်ရွက်ခဲ့ကြောင်း သိရသည်။

ယနေ့နံနက်ပိုင်းမှစ၍ နယ်မြေအခြေအနေ ပြန်လည်တည်ငြိမ်အေးချမ်းသွားပြီဖြစ်ကြောင်း၊ တိုင်းဒေသကြီးဝန်ကြီးချုပ်နှင့် အဖွဲ့က အိမ်ထောင်စု ၅၀ စာ ကယ်ဆယ်ရေးပစ်စည်း ၈ မျိုးအား ထန်းကုန်းကျေးရွာသို့ ပေးပို့ ထောက်ပံ့ရန် စီးစဉ် ဆောင်ရွက်ပေးခဲ့ပြီး ကယ်ဆယ်ရေးနှင့် ပြန်လည်ထူထောင်ရေးလုပ်ငန်းများကို ဆက်လက်ဆောင်ရွက်ပေးလျက်ရှိကြောင်း သိရသည်။

ယမန်နေ့ည ဖြစ်စဉ်တွင် ပြစ်မှုကျူးလွန်သူ တစ်ဦးနှင့် မီးရှို့ဖျက်ဆီးသူဟု ယူဆရသူ ၁၁ ဦး တို့အား ဖမ်းဆီး ထိန်းသိမ်း စစ်ဆေးလျက်ရှိပြီး ဥပဒေချိုးဖောက်သူများအား တရားဥပဒေ နှင့်အညီ အရေးယူ ဆောင်ရွက်သွားမည်ဖြစ်ကြောင်း သတင်းရရှိသည်။ (သတင်းစဉ်)

ပြန်ကြားရေးဝန်ကြီးဌာန

ကမ္ဘောဒီးယားတွင် တင့်ဖျက်မိုင်း ပေါက်ကွဲမှုကြောင့် လယ်သမား ခြောက်ဦး သေဆုံး

 

ဖနွမ်းပင် သြဂုတ် ၁၅

ကမ္ဘောဒီးယား နိုင်ငံ၏ အနောက်မြောက်ပိုင်း Preah Vihear ပြည်နယ်တွင် တင့်ဖျက်မိုင်းဟောင်း တစ်လုံး ပေါ်သို့ လယ်ထွန်စက်တစ်စီး တက်နင်းမိရာမှ ပေါက်ကွဲမှု ဖြစ်ပွားခဲ့ပြီး

လယ်သမားခြောက်ဦးမှာ နေရာ တွင်ပင် ပွဲချင်းပြီး သေဆုံးကာ တစ်ဦးမှာ ပြင်းထန်စွာ ဒဏ်ရာရရှိခဲ့ကြောင်း ပြည်နယ် ရဲချုပ်က သြဂုတ် ၁၅ ရက်တွင် အတည်ပြု ပြောကြားခဲ့သည်။

အဆိုပါ ပေါက်ကွဲမှုသည် Chom-ksan ခရိုင်ရှိ တောအုပ် အတွင်း၌ ဒေသစံတော်ချိန် ည ၇ နာရီတွင် ဖြစ်ပွား ခဲ့ခြင်း ဖြစ်ကြောင်း သိရသည်။ ပြည်နယ် ရဲချုပ်၏ ပြောကြားချက် အရ ယခု ပေါက်ကွဲမှု ဖြစ်ပွား ခဲ့သော သစ်တောသည် ယခင်က စစ်မြေပြင်ဟောင်း တစ်ခုဖြစ်ပြီး မြေမြှုပ်မိုင်းများ တူးဖော် ရှင်းလင်းခြင်း မပြုလုပ်ရ သေးကြောင်း သိရသည်။ ဇူလိုင် ၃၁ ရက်ကလည်း နိုင်ငံ အနောက်မြောက်ပိုင်း Oddor Meanchey ပြည်နယ်တွင် ကျွဲလှည်း တစ်စီးသည် တင့်ဖျက်မိုင်းကို တက်နင်းမိပြီး ပေါက်ကွဲမှု ဖြစ်ပွားခဲ့ရာ လှည်းပေါ်၌ ပါလာသည့် သားအဖ သုံးဦးမှာ နေရာတွင်ပင် ပွဲချင်းပြီး သေဆုံးခဲ့ရပြီး ယခု ပေါက်ကွဲမှုသည် ဒုတိယ အကြိမ်မြောက် ဖြစ်ကြောင်း သိရသည်။ ကမ္ဘောဒီးယား နိုင်ငံတွင် လွန်ခဲ့သော ဆယ်စုနှစ် သုံးခု အတွင်းက ဖြစ်ပွားခဲ့သည့် စစ်ပွဲများနှင့် ပြည်တွင်းစစ်များကြောင့် မြေမြှုပ်မိုင်းပေါင်း ၄ သန်းမှ ၆ သန်းအထိ ရှိကြောင်း သိရသည်။ နိုင်ငံ၏ မြေမြှုပ်မိုင်း ရှင်းလင်းရေး စင်တာ၏ ထုတ်ပြန်ချက် အရ မြေမြှုပ်မိုင်းပေါင်း ၃ ဒသမ ၁ သန်းခန့်ကို ရှင်းလင်း ဖျက်ဆီးနိုင်ခဲ့ပြီး ဖြစ်ကြောင်းနှင့် ကျန်ရှိနေသေးသော မိုင်းများကို ၂ဝ၂ဝ ပြည့်နှစ်တွင် အပြီးသတ် ရှင်းလင်းနိုင်ရန် အတွက် တစ်နှစ်လျှင် အမေရိကန်ဒေါ်လာ သန်း ၅ဝ ခန့် လိုအပ်မည် ဖြစ်ကြောင်း သိရသည်။

http://www.myawady.net.mm

လုံခြုံရေးတိုးမြှင့်ပြီးနောက် မြိတ်၌ အကြမ်းဖက်သမား ၃ဦး ဖမ်းမိ

မြန်မာနိုင်ငံတွင်ဖြစ်ပွားခဲ့သော ပဋိပက္ခများအား အကြောင်းပြု၍ ပြည်ပနိုင်ငံများရှိ အကြမ်းဖက်အဖွဲ့ အစည်းများမှ နိုင်ငံတွင်းအဖျက်အမှောက်လုပ်ငန်းများ လုပ်ဆောင်ရန် အကြမ်းဖက် သမားများ စေလွှတ်ထားသည့်သတင်းများရရှိ၍ နိုင်ငံတစ်ဝှမ်း လုံခြုံရေးအထူးမြှင့်တင်ဆောင်ရွက်ထားရာ တနင်္သာရီတိုင်းဒေသကြီး မြိတ်မြို့နယ်၌ အကြမ်းဖက်သမား ၃ ဦးအား ဖမ်းဆီးရမိခဲ့သည်။

တနင်္သာရီတိုင်းဒေသကြီး နယ်စပ်ဝင်ပေါက်များ၊ ရေလမ်းကြောင်းများမှ တဆင့်အကြမ်းဖက်သမားများ ၀င်ရောက်လာမည့် သတင်းကို ကြိုတင်သိရှိထား၍ ဖောက်ခွဲရေးသမားများ၏ အမည်နှင့် ဓါတ်ပုံများအား တိုင်းဒေသကြီးအတွင်းရှိ လုံခြုံရေးအဖွဲ့များထံပေးပို့ထားရာ သြဂုတ်လ ၂၂ ရက်နေ့က မြိတ်ကျွန်းစုရှိ တံငါရွာတစ်ရွာနေရာ၌ ထိုလူများအား ဖမ်းဆီးရမိခဲ့ခြင်းဖြစ်သည်။

ဖမ်းဆီးရမိသူများမှာ ထိုင်းနိုင်ငံတွင် တရားမ၀င်အလုပ်သွားလုပ်ပြီး မိမိနိုင်ငံသို့ ပြန်လာသည့် မြန်မာလူမျိုးများနှင့် ရော၍ ရေလမ်းကြောင်းမှတဆင့် ၀င်ရောက်ခဲ့ခြင်းဖြစ်သည်။ အဆိုပါသုံးဦးအနက်နှစ်ဦးမှာ မြန်မာနိုင်ငံဖွား ထိုင်းနိုင်ငံသားများဖြစ်ပြီး ကျန်တစ်ဦးမှာ အင်ဒိုနီးရှားနိုင်ငံဖွား ထိုင်းနိုင်ငံသားဖြစ်သည်။ အဆိုပါ အကြမ်းဖက်သမား(၃)ဦးစလုံးမှာ မြန်မာလူမျိုးများကဲ့သို့ မြန်မာစကားကို ကျွမ်းကျင်စွာပြောဆိုနိုင်သူများဖြစ်သည်။

“အကြမ်းဖက်သမား သုံးယောက် ဖမ်းမိထားတယ်လို့တော့ ကြားတယ်။ ဘယ်ရွာမှာ မိလဲတော့ အတိအကျ မသိဘူးဗျ၊ ကျွန်တော်တို့ တနသာင်္ရီတိုင်းက ထိုင်းနိုင်ငံနဲ့ နယ်မြေ ဆက်စပ်နေတော့ ကုန်းကြောင်းရော ရေကြောင်းကပါ ၀င်လာနိုင်တယ်။ လုံခြုံရေးကိုတော့ အရင်ကထက် တိုးပြီးချထားတာ တွေ့ရတယ်။ ပြည်သူတွေအနေနဲ့လည်း ကိုယ့်ပတ်ဝန်းကျင်မှာ သတင်း ရရချင်း သက်ဆိုင်ရာ လုံခြုံရေးအဖွဲ့အစည်းတွေကို ချက်ချင်းသတင်းပို့သင့်တယ်။”ဟု ကျွန်းစုမြို့နယ်မှ ဒေသခံ ရေလုပ်သား တစ်ဦးက ပြောသည်။

မြန်မာနိုင်ငံအတွင်းသို့ ဖောက်ခွဲရေးသမားများ ၀င်ရောက်လာမည့် သတင်းများကြိုတင်ရရှိထားသဖြင့် နိုင်ငံတစ်ဝှမ်း လုံခြုံရေး တိုးမြှင့်ချထားရာ မြိတ်မြို့နယ်တွင် အကြမ်းဖက်သမားများ ဖမ်းဆီးရမိခြင်းမှာ ပထမဦးဆုံးအကြိမ်ဖြစ်သည်။

မြစ်မခ

မေးလိုက်ပါ.......အဖေ

တစ်ရက်တွင် အရက်မူးပီး ပြန်လာသော သားဖြစ်သူမှ ဒေါသတကြီး ရပ်ကြည့်နေသော သူ့အဖေ ကို အိမ်တံခါးဝ တွင်မြင်သောအခါ.....

" ရင်နာတယ် အဖေ ရာ .....လူတွေက အရက်မူးတာပဲ မြင်တယ်။ ဘာလို့ သောက်တာလဲလို့ ဘယ်သူမှမမေးကြဖူး....ဗျာ ".... ဟုဆို၏။

ထိုအခါ အဖေ လုပ်သူလည်း သား ဖြစ်သူ၏ ညှိုးညှိုး ငယ်ငယ် အမူအရာနှင့် စကား ကြောင့် သနား ကာ မဆူတော့ပေ။

နောက် တစ်ရက်တွင်လည်း သားဖြစ်သူမှာ မူး လာပီး အရင်အတိုင်း ပြော ပြန်သည်။

ဖခင်မှာလည်း နားလည်စွာဖြင့် နုတ်ဆိတ်နေလိုက် ပြန်သည်။

သို့ ဖြင့် သား ဖြစ်သူ အရက်မူးမူးလာသည်မှာ တစ်လ ကျော်လာခဲ့ပေပြီ။

နောက်ဆုံး ဖခင်ဖြစ်သူမှ သားဖြစ်သူကို သနားလွန်း၍ ........

" ဘာဖြစ်လို့ နေ့တိုင်း သောက်နေရတာလဲ ...သားရယ်...ကဲ....အဖေ့ကို ဖြေပါဦး ကွယ်.."...ဟု မေးခွန်း တခု မေးလိုက်၏။

ထိုအခါ သားဖြစ်သူမှ ညှိုးငယ်စွာဖြင့် ဖခင်မျက်နှာအားကြည့်ရင်း.....

" ကြိုက်လို့ သောက်နေတာပါ အဖေ.....".....ဟု ဖြေပီးနောက် ဖခင်ဖြစ်သူ၏ ကန်ချက်ကြောင့် သားဖြစ်သူမှာ လှေကားတိုင်းအောက်သို့တလိမ့်

ကောက်ကွေး ကျသွားလေတော့၏။

တိန်

ရီမောပျော်ရွှင်ပါစေ

Lon Ely......

အမေရိကန် ပြည်ထောင်စုတွင် အမျိုးသား တစ်ဦး ခုနစ်လွှာ အထပ်မြင့်မှ ပြုတ်ကျ သော်လည်း အသက်ဘေးမှ လွတ်

 
ဝါရှင်တန်   သြဂုတ်   ၂၄

အမေရိကန် ပြည်ထောင်စု ပင်ဆယ်ဗေးနီးယား ပြည်နယ် ဖီလာဒဲဖီးယားမြို့ ရစ်တန်ဟောက်စ် ရင်ပြင်ရှိ အဆောက် အအုံတစ်ခု၏ အထပ်မြင့် ခုနစ်လွှာမှ သြဂုတ် ၂၂ ရက်  မွန်းလွဲ ၂ နာရီ

ဝန်းကျင်က ပြတင်းပေါက် သန့်ရှင်းရေး သမားတစ်ဦး ပြုတ်ကျ ခဲ့သော်လည်း အသက်ဘေးမှ လွတ်မြောက် ခဲ့ကြောင်း သိရသည်။

အဆိုပါ သန့်ရှင်းရေး သမားသည် Rittenhouse Claridge အဆောက်အအုံရှိ အထပ်မြင့်  ခုနစ်လွှာ အပြင် ဘက်တွင် ပြတင်းပေါက်ကို ဆိုင်းကြိုး အသုံးပြု၍ သန့်ရှင်းရေး ပြုလုပ် နေစဉ် ပြုတ်ကျ ခဲ့ခြင်း ဖြစ်ကြောင်း ဖီလာဒဲဖီးယား ရဲတပ်ဖွဲ့က ပြောကြား ခဲ့သည်။

၎င်း သန့်ရှင်းရေး သမားသည် အမှိုက်အိတ်ကြီး တစ်ခုပေါ် ပြုတ်ကျ ပြီးမှ မြေပြင် ပေါ်သို့    ပြုတ်ကျ ခဲ့ခြင်း ဖြစ်ဟန် တူကြောင်း၊ ယင်းနောက်တွင် အရေးပေါ် ဌာနသို့ မိမိက အကြောင်း ကြားခဲ့ကြောင်း မျက်မြင် တစ်ဦးက ပြောကြား ခဲ့သည်။ အထပ်မြင့်မှ ပြုတ်ကျ ခဲ့သော အဆိုပါ သန့်ရှင်းရေး သမားသည် သတိ မေ့သွားခြင်း မရှိကြောင်း၊  ဆေးဘက် အဖွဲ့၏ အကူ အညီဖြင့်  ဆေးရုံသို့ ပို့ဆောင် ပေးခဲ့ကြောင်း ယခုအခါ ၎င်း၏ အခြေ အနေမှာ  စိတ်ချ ရသော အနေ အထားတွင် ရှိကြောင်း သိရသည်။

ထိုဖြစ်စဉ်နှင့် ပတ်သက်၍ သန့်ရှင်း ရေးလုပ်ရာတွင် အသုံးပြုသော ပစ္စည်းများ စိတ်ချ ရမှုရှိ၊ မရှိကို စစ်ဆေးရန် မြို့တော် စစ်ဆေးရေး အဖွဲ့က အဆိုပါ နေရာသို့ လာရောက် စစ်ဆေး ခဲ့ကြကြောင်း မီးသတ်ဌာန၏ ပြောကြားချက် အရ သိရသည်။

(အင်တာနက်)
http://www.myawady.net.mm

ဟိုပုံးမြို့တွင် ဘိန်းစိုက်ပျိုးမှု ပပျောက်ရေး အသိပညာပေး ဟောပြော

 

တောင်ကြီး  သြဂုတ်  ၂ဝ

ရှမ်းပြည်နယ် ပအိုဝ်း ကိုယ်ပိုင်အုပ်ချုပ်ခွင့်ရဒေသ ဟိုပုံးမြို့နယ် လုံဟေးကျေးရွာအုပ်စု လုံဟေးကျေးရွာ၌ ဘိန်းစိုက်ပျိုးမှု ပပျောက်ရေး ပညာပေး ဟောပြောပွဲကို ယမန်နေ့ နံနက် ၁ဝ နာရီခွဲက လုံဟေးဘုန်းတော်ကြီး ကျောင်း၌ ကျင်းပခဲ့သည်။

အခမ်းအနားတွင် ပအိုဝ်းအမျိုးသားအဖွဲ့ချုပ် မြို့နယ် စည်းရုံးရေးမှူး ဦးအောင်သုခက အမှာစကား ပြောကြားပြီး မြို့နယ် ရဲတပ်ဖွဲ့မှူး ရဲမှူး မောင်မောင်ဝင်းက ဘိန်းစိုက်ပျိုးမှု ပပျောက်ရေးအတွက် ပညာပေး ဆွေးနွေးကာ လုံဟေးကျေးရွာအုပ်စု အုပ်ချုပ်ရေးမှူး ဦးထီးနှင့် ပအိုဝ်းအမျိုးသားအဖွဲ့ချုပ် မြို့နယ်ကော်မတီ ဦးခွန်ခက်တို့က ဘိန်းစိုက်ပျိုးမှု ပပျောက်ရေး ထပ်ဆင့် ပညာပေး ဟောပြောသည်။

အဆိုပါ ဟောပြောပွဲသို့ ဟိုပုံးမြို့နယ် ရဲတပ်ဖွဲ့မှူး ရဲမှူး မောင်မောင်ဝင်းနှင့် တပ်ဖွဲ့ဝင်များ၊ လုံဟေးကျေးရွာ အုပ်စု အုပ်ချုပ်ရေးမှူး ဦးထီး၊ ပအိုဝ်း အမျိုးသားအဖွဲ့ချုပ်မှ တာဝန်ရှိသူများနှင့် လုံဟေးကျေးရွာအုပ်စု အတွင်းရှိ ကျေး ရွာနေ ပြည်သူ များ တက်ရောက်ကြကြောင်း သိရသည်။

http://www.myawady.net.mm

ငရုတ်သီးမှုန့်များကို စမ်းသပ်စစ်ဆေးခဲ့ရာ ကင်ဆာဖြစ်စေနိုင်သော ဇီဝအဆိပ်တစ်မျိုးဖြစ်သည့် 'Aflatoxcin B1'ကိုစစ်ဆေးတွေ့ရှိ

ရန်ကုန်တိုင်း ဒေသကြီး အတွင်းရှိ ဈေးများ၌ ရောင်းချနေသည့် ငရုတ်သီးမှုန့်များကို စမ်းသပ်စစ်ဆေးခဲ့ရာ ကင်ဆာဖြစ်စေနိုင်သော ဇီဝအဆိပ်တစ်မျိုးဖြစ်သည့် 'Aflatoxcin B1'ကိုစစ်ဆေးတွေ့ရှိခဲ့ကြောင်း ဆေးသုတေသန ဦးစီးဌာန (အောက်မြန်မာပြည်) ဇီဝအဆိပ်ဗေဒ သုတေသန ဌာနခွဲမှ သိရသည်။

ဈေးကွက်အတွင်းရှိ ငရုတ်သီးမှုန့်များကို စစ်ဆေးရာတွင် ဈေးဆိုင်များတွင် အလေးချိန်ဖြင့် ချိန်တွယ်ရောင်းချနေသည့် ငရုတ်သီးမှုန့်များနှင့် ထုပ်ပိုးပြင်ဆင်ထားသည့် ငရုတ်သီးမှုန့် နမူနာ ၂၆ ခုကို စစ်ဆေးခဲ့ရာ ယင်းတို့အနက်မှ အလေးချိန်ဖြင့် ချိန်တွယ်ရောင်းချသည့် ငရုတ်သီးမှုန့် နမူနာလေးမျိုးနှင့် ထုပ်ပိုးပြင်ဆင်ထားသည့် ငရုတ်သီးမှုန့် နမူနာ နှစ်မျိုးတို့တွင် ယင်းဇီဝအဆိပ်ကို တွေ့ရှိခဲ့ခြင်းဖြစ်သည်။

''Aflatoxcin B1 ဆိုတာ စနစ်တကျ သိုလှောင်သိမ်းဆည်းမှု အားနည်းတဲ့ စားသောက်ကုန် ပစ္စည်းတွေမှာ ပေါက်ဖွားလေ့ရှိတဲ့ Aspergillus Species တွေကတစ်ဆင့် ဖြစ်လာတာပါ။ Aflatoxcin B1 က စားသောက်ကုန်တွေမှာ ပါဝင်နေပေမယ့် အရောင်၊ အနံ့၊ အရသာ ပြောင်းလဲသွားတာမျိုး မရှိဘူး။ ဒီအဆိပ်က အပူပေးပြီး ချက်ပြုတ်စားသောက်ရင်လည်း အာနိသင် ပျက်ပြယ်မသွားဘူး။ သူက မမြင်နိုင်တဲ့မှိုတစ်မျိုး ဖြစ်တဲ့အတွက် စားသောက်ကုန်တွေမှာ ပါဝင်နေတယ်ဆိုတာ အလွယ်တကူ မသိနိုင်ဘူး'' ဟု ဇီဝအဆိပ် ဗေဒသုတေသန ဌာနခွဲမှ ဒေါက်တာသောင်းလှက ပြောကြားသည်။

Aflatoxcin B1 ပါဝင်သည့် စားသောက်ကုန်များကို စားသုံးမိပါက လတ်တလော အဆိပ်သင့် လက္ခဏာ ဖြစ်ပွားခြင်းမျိုး မရှိသော်လည်း ရေရှည်စားသုံးမိသူများ အနေဖြင့် အသည်းကင်ဆာကို ဖြစ်စေနိုင်ကြောင်းလည်း သိရသည်။

စစ်သားပုရွက်ဆိတ်

Apocalypto နာမည်ကြီးလူရိုင်းကားကိုကြည့်ဖူးသူတိုင်းဆိုရင် ဒီပုရွတ်ဆိတ်
အကြောင်းကိုသိမှာပါ။ဇာတ်ဝင်ခန်းတစ်ခုမှာ ကလေးလေးတစ်ယောက် ထိရှ
မိလို့ ကွဲသွားတဲ့အသားကို အဆို ပုရွတ်ဆိတ်ရဲ့ အစွယ်နဲ့ ညှပ်ပြီး ချုပ်လိုက်
တာကိုမျက်စိထဲ မြင်ရောင်မိမယ်ထင်ပါတယ်။

အပြင်မှာလည်း အဆိုပါပုရွတ်ဆိတ်ဟာ ယနေ့အချိန်ထိ အာဖရိကတိုက်
ဒေသအချို့မှာ ကွဲပြဲသွားတဲ့ ဒဏ်ရာတွေကို ပြန်ဆက်သွားအောင် အဆို
ပုရွတ်ဆိတ်ကို အကိုက်ခံပြီးကုနေကြတုန်းပဲလို့သိရပါတယ်။

စစ်သားပုရွတ်ဆိတ်လို့ခေါ်ရတဲ့ အကြောင်းကလည်း ရန်သူကိုတိုက်ခိုက်ဖို့
သေမှာမကြောက်သလို အစွယ်နဲ့ညှပ်ပြီးသွားရင် အသေခံကိုက်ပြီး ပြန်လွတ်
ရိုးထုံးစံမရှိပါဘူး။ဒါကြောင့် အလွန်ရဲရင့်ပြီး သေရမှာမကြောက်တဲ့အဆိုပါ
ပုရွတ်ဆိတ်ကို Army Ant လို့ယနေ့အချိန်ထိ ခေါ်ဆိုကြခြင်းဖြစ်တယ်လို့
သိရပါတယ်။

Myanmar Social Life News

နေအိမ် တိုက်ခန်းအတွင်း အမျိုးသား တစ်ဦး သေနတ် ဒဏ်ရာဖြင့် သေဆုံး

22.8.2013

ရှမ်းပြည်နယ် အရှေ့ပိုင်း ရွှေတြိဂံဒေသရှိ တာချီလိတ်မြို့ ဆန်ဆိုင်း(ခ) ရပ်ကွက် ဂိုးဒန်းချယ်ရီဟိုတယ် ဘေးလမ်းရှိ သုံးထပ်တိုက် နှစ်လွှာတွင် သြဂုတ်လ ၁၉ ရက်နေ့ ညပိုင်းက အသက် ၃၀ အရွယ် အမျိုးသား တစ်ဦး သေနတ် ဒဏ်ရာဖြင့် သေဆုံးခဲ့ကြောင်း တာချီလိတ် လူမှုကူညီရေး အသင်းမှ အသင်းဝင် အမျိုးသား တစ်ဦးက ပြောကြားသည်။

သေနတ် ဒဏ်ရာဖြင့် သေဆုံးသူ ဦးဆိုင်းရီတစ်သည် ကျပန်း လုပ်ကိုင်ကာ ကျိုင်းတုံဇာတိ ဖြစ်ပြီး ယင်းတိုက်ခန်းတွင် ငှားရမ်း နေထိုင်သူ ဖြစ်ကြောင်း၊ ညာဘက် နားထင်တွင် သေနတ်ဒဏ်ရာ ရရှိကာ သေဆုံးခဲ့ခြင်း ဖြစ်ကြောင်း အဆိုပါ ရပ်ကွက် တာဝန်ကျ ရဲအရာရှိ တစ်ဦးက ပြောကြားသည်။

အလောင်းကို သွားရောက် သယ်ယူသူက ၉ မမ ကျည်ခွံကို တွေ့ရှိခဲ့သည်ဟု The Voice သို့ ပြောကြားသော်လည်း မြို့နယ် ရဲစခန်းမှ ရဲတပ်ဖွဲ့ဝင် တစ်ဦးက ကျည်ကို စစ်ဆေးနေဆဲ ဖြစ်သော ကြောင့် မည်သည့် ကျည် အမျိုးအစား ဖြစ်ကြောင်းကို အတည်ပြု ပြောကြားခြင်း မရှိပေ။

“အမေရိကမှာက အိမ်ထဲမှာ သေနတ်ပစ်မှုတွေ၊ ပစ်ခတ်မှုတွေဖြစ်တာ မထူးဆန်းပေမယ့် တာချီလိတ် မှာ အမေရိကန်ယဉ်ကျေးမှု ထွန်းကားနေ တယ်” ဟု တာချီလိတ်မြို့တွင် နေထိုင်သူ အသက် ၄၀ ကျော် အမျိုးသား တစ်ဦးက ပြောကြားသည်။

သေဆုံးသူ အမျိုးသားကို တာချီလိတ်မြို့ရှိ မဟာမြတ်မုနိ ဘုန်းကြီးကျောင်း တွင် ရွှေ့ပြောင်း ထားရှိပြီး သြဂုတ်လ ၂၂ ရက်နေ့တွင် သဂြုင်္ိဟ်မည် ဖြစ်ကြောင်း တာချီလိတ် လူမှုကူညီရေး အသင်းထံမှ သိရှိရသည်။

အဆိုပါ အမှုမှာ ကိုယ့်ကိုယ်ကိုယ် သတ်သေမှုမဟုတ်ဘဲ လူသတ်မှု ဖြစ်ကြောင်းနှင့် သေနတ်ဖြင့် ပစ်သူဟု ယူဆရသူကို ဖမ်းမိသည်ဟု သတင်းများ ထွက်ပေါ်သော်လည်း မြို့နယ် ရဲစခန်းမှ ရဲအရာရှိ တစ်ဦးက စစ်ဆေးဆဲသာ ဖြစ်ကြောင်း ပြောကြားသည်။

တာချီလိတ်မြို့သည် အိမ်နီးချင်း ထိုင်းနိုင်ငံ၊ လာအိုနိုင်ငံတို့နှင့် နီးစပ်သဖြင့် ပြစ်မှုကျူးလွန်သူများသည် အလွယ်တကူ တစ်ဖက်နိုင်ငံသို့ ဝင်ပြေးနိုင်သဖြင့် ရဲတပ်ဖွဲ့ဝင်များ ဖမ်းဆီး ရှာဖွေရန် အခက်အခဲများ ရှိကြောင်း ဆန်ဆိုင်း (ခ) ရပ်ကွက် တာဝန်ကျ ရဲအရာရှိ တစ်ဦးက ပြောကြား သည်။

အဆိုပါ သေနတ်ပစ်ခံရ၍ လူသေဆုံးမှုကို (ပ) ၁၇၇/၁၃ ၊ ပုဒ်မ ၃၀၂ ဖြင့် အမှုဖွင့် အရေးယူထားပြီး သေနတ်ဖြင့် ပစ်ခတ်သူကို စုံစမ်းလျက် ရှိကြောင်း တာချီလိတ်မြို့နယ် ရဲစခန်းထံမှ သိရှိရသည်။

တာချီလိတ် ပါလျှံနှင့် တောကော့ ရပ်ကွက်ကြား စိန်ပန်းနီနီ အအေးဆိုင်တွင် ဇွန်လ ၁၉ ရက်နေ့ ည ၇နာရီကျော်က အအေးဆိုင် ထိုင်နေသူ နှစ်ဦး သေနတ်ပစ်ခံရ၍ အသက် ၃၀ အရွယ် အမျိုးသား တစ်ဦး သေဆုံးခဲ့ကြောင်း၊ အလားတူ မေလ ၆ ရက်နေ့ ည ၇ နာရီကျော်တွင် အသက် ၃၂ နှစ်အရွယ် ဆံပင်ညှပ်ဆိုင် ပိုင်ရှင် ဆံပင်ညှပ်ပေးနေစဉ် ပစ်ခတ် ခံရပြီး သေဆုံးခဲ့ကြောင်း တာချီလိတ်မြို့နယ် ရဲစခန်းထံမှ သိရှိရသည်။

The Voice Weekly

စကာင်္ပူနိုင်ငံမှ အသက်အငယ်ဆုံး ကိုယ်အင်္ဂါ အလှူရှင်

 
သူမလေးဟာအသက်အရွယ်အားဖြစ် (၁) နှစ်ခွဲ အရွယ်လေး ၊လမ်းတောင် ကောင်းမွန်စွာမလျှောက်နိုင်သေး သည့် အရွယ်လေးပါ။ သို့သော် သူမ၏ ကိုယ်အင်္ဂါ အစိတ်အပိုင်း ကိုတော့ လိုအပ်နေသည့် သူထံသို့ လှူဒါန်းကာ အသက်ရှင်သန်ခွင့် ပေးခဲ့သည့်အလှူရှင်လေးပေါ့။

Hanano Oyama ဆိုသူသည် တစ်နှစ်ခွဲအရွယ် စကာင်္ပူနိုင်ငံဖွား၊ ဂျပန်မလေးဟာလွန်ခဲ့သည့် သူမနေထိုင်ရာRobertson Quay ကွန်ဒိုမီနီယံထဲက ရေကူးကန်ထဲမှာ မတော်တဆ ရေနစ်သေဆုံးခဲ့ရပါတယ်။ ရုတ်တရက် ရေနစ်သေဆုံးပြီးနောက်မှာ ဆက်လက်အလုပ်လုပ်နေဆဲ
ဖြစ်သည့် သူမ၏ ကိုယ်အင်္ဂါအစိတ်အပိုင်းများထဲမှ ကျောက်ကပ်တစ်စုံနှင့်
နှလုံးအဆို့ (heart valve) ကို လှူဒါန်းခဲ့ပါသည်။

သူမ သေဆုံးပြီဟု အတည်ပြုပြီးသည့် နောက်မှာ သူမ၏ မိဘများက ကလေးငယ်၏ ကျောက်ကပ်တစ်စုံနှင့် နှလုံးအစိတ်အပိုင်းကို အခြားလိုအပ်နေသည့် ကလေးငယ်ထံ လှူဒါန်းဖို့ ခွင့်ပြုခဲ့ပါသည်။

“ကျွန်တော်တို့ သမီးလေးဟာ သေဆုံးပြီး လောကကြီးထဲက ထွက်ခွာသွားခဲ့ပေမဲ့ သူမလေးရဲ့ ကိုယ်အင်္ဂါလေးတွေဟာ ဆက်လက်ရှင်သန်နေပါသေးတယ်။ သူဟာ အခြားသူ တစ်ဦးကို ကယ်တင်ပေးနိုင်ခဲ့တယ်။ ယခုလိုမျိုး မွန်မြတ်သည့် အလှူကို လှူဒါန်းရခြင်းဖြစ် ကျွန်တော့်သမီးလေး အတွက် ကျွန်တော် ဂုဏ်ယူခြင်ပါတယ် ” ဟု

သူမ၏ ဖခင် ဂျပန်နိုင်ငံသား Norimichi Oyama က ဆိုပါတယ်။ကံကြမ္မာအကြောင်းကြောင်းကြောင့် လူ့လောကထဲမှ စောစီးစွာ ထွက်ခွာသွားခဲ့ရပေမဲ့ သူမ ခန္ဓာကိုယ် အစိတ်အပိုင်းနှင့် လူ့အသက်ကို ကယ်တင်သွားခဲ့သည့် သမီးငယ်လေး Hanano Oyama ဘဝအဆက်ဆက် ယခုလို အဖြစ်ဆိုးနှင့် ကွေကွင်းနိုင်ပါစေ။..

credit:myanmar update channel

ရေနွေးညသိပ် အဆိပ်ထက်ပြင်း

(၁) ရေနွေး ကျိုချက်တဲ့အခါမှာ ဆူပွက်ပြီးကျက်အောင်ကျိုပါ။

(၂) ကော်ဖီဖျော်ရင် ခြောက်နာရီအတွင်း ကျိုချက်ထားတဲံ ရေနွေးနဲ့ဖျော်ပါ။

(၃) ဓာတ်ဗူးထဲက ရေနွေးနဲံဖျော်ရင် ခြောက်နာရီထက်ကျော်ပြီး ဓာတ်ဗူးထဲမှာ လှောင်ထားသော ရေနွေးကိုမသုံးသင့်ပါ။

(၄)ဓာတ်ဗူးထဲမှာ အေးပြီးသားရေနွေးကို ဓာတ်ပျက်ရေနွေးဖြစ်လို့ ပြန်နွေးပြီး မသုံးပါနဲံ။ပြန်ကျိုချက်ပြီး မသုံးပါနဲ့။

(၅)ညသိပ်ရေနွေး ။ရေနွေးကြမ်းဟာ အဆိပ်ဖြစ်လို့ အစာအိမ်ကို ကမောက်ကမ ဖြစ်စေနိုင်ပါတယ်။

(၆)ရေနွေးသောက်ပြီး တစ်နာရီအတွင်းမှာ ရေအေးမသောက်ပါနဲ့။ ရေအေးသောက်ပြီး တစ်နာရီအတွင်းမှာ ရေနွေးမသောက်ပါနဲ့။ အထက်ပါအယူအဆတွေဟာ မလွဲနိုင်တဲံ့ တိုင်းရင်းဆေးပညာ ဥပဒေသ အယူအဆတွေဖြစ်ကြောင်း တင်ပြအပ်ပါသည်။.

 

https://www.facebook.com/MyawadyNews?ref=stream&hc_location=stream

ကမ္ဘာ့အံ့ဖွယ်နေရာများ

ကာလီဖိုးနီးယားမှာ ငှက်သိုက်အိမ်လေးနဲ့ ဒီလို အေးအေးဆေးဆေး အနားမယူချင်ကြဘူးလား။

https://www.facebook.com/kokomyanmarpyitharlay?ref=stream&hc_location=stream

ကုလကိုယ်စားလှယ် ပြောကြားချက် အစိုးရ ပယ်ချ

 
မိတ္ထီလာမြို့ ခရီးစဉ်အတွင်း ဆန္ဒပြအကြမ်းဖက်မှုတွေကို အစိုးရက အကာကွယ်မပေးခဲ့ကြောင်း မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေး ကိုယ်စားလှယ်ရဲ့ ပြောဆိုချက်ဟာ တကယ့်အဖြစ်မှန်နဲ့ ကွဲလွဲနေတယ်လို့ သမ္မတရဲ့ ပြောရေးဆိုခွင့်ရှိသူ ဦးရဲထွဋ်က ပြောကြားလိုက်ပါတယ်။

မိတ္ထီလာမြို့မှာ ည ၁၀ နာရီကျော် မထွက်ရ အမိန့်ထုတ်ပြန်ထားပေမယ့် မြို့နယ်အုပ်ချုပ်ရေးမှူးရုံး အသွားလမ်းမှာ လူ ၂၀၀ လောက်က စောင့်ကြို ဆန္ဒပြပြီး ကားကို ကန်ကြောက်ဆဲဆိုကြတာကို အစိုးရဘက်က မကာကွယ်ပေးဘူးလို့ မနေ့ ရန်ကုန် အပြည်ပြည်ဆိုင်ရာ လေဆိပ် သတင်းစာရှင်းလင်းပွဲမှာ မစ္စတာ ကင်တားနားက ပြောကြားလိုက်တာပါ။
မစ္စတာ ကင်တားနားက “မိတ္တီလာမြို့က ဖြစ်ရပ်ဟာ ကျနော်အတွက် အနီးအနားမှာ ရဲတွေ ရှိပေမယ့် အကာအကွယ်မဲ့နေပြီလုို့ ခံစားရပါတယ်။ အဲဒီအချိန်မှာ ကျနော်တွေးမိတာက ပြီးခဲ့တဲ့ မတ်လတုန်းက ဖြစ်ခဲ့ မိတ္ထီလာ ပဋိပက္ခမှာ လူ ၄၃ ဦး အသတ်ခံနေရတုန်းက ရဲတွေဟာ ဒီလိုပဲ ကာကွယ်မှု မပေးဘဲ ရပ်ကြည့်နေမယ်ဆိုတာကုို တွေးမိပါတယ်” လို့ ပြောပါတယ်။

ဒီအပေါ်သမ္မတပြောခွင့်ရသူ ဦးရဲထွတ်က “မစ္စတာ ကင်တားနားရဲ့ ပြောကြားချက်ဟာ တကယ်ဖြစ်တဲ့ အဖြစ်မှန်နဲ့ ကွယ်လွဲမှုတွေ ရှိနေတယ်။ တကယ်တော့ အဲဒီနေ့က ကင်တားနားရဲ့ ယာဉ်တန်းနဲ့အတူ ရဲတပ်ဖွဲ့က ကားတစီး၊ လုံးခြုံရေး ယာဉ်တစီးလည်း အတူတူလိုက်ပါလာတယ်။ နောက် မစ္စတာ ကင်တားနားကို ဆန္ဒပြမယ် ဆိုတဲ့ လူတွေ ရှိနေတဲ့အတွက်ကြောင့် အဲဒီလူတွေကို ထိန်းဖို့အတွက် ရဲအင်အား ၃၀ ကျော်ကိုလည်း အဲဒီလူတွေ စောင့်ဆိုင်းတဲ့နေရာမှာ ကျနော်တို့ ချထားခဲ့တယ်။ ယာဉ်ထိန်းတပ်ဖွဲ့တွေကိုလည်း ချထားခဲ့တယ်။

“ည ၁၀ နာရီရောက်တဲ့အချိန်မှာတော့ ကာဖျူး အချိန်ရောက်တဲ့ အတွက်ကြောင့်မို့လို့ အဲဒီလူအုပ်စုတွေကို လူစုခွဲဖို့ ရဲက ပြောတယ်။ အဲဒီအချိ်န်မှာ လူက ကျနော်တို့ သတင်းအရ ၃၀၀၊ ၄၀၀ လောက်ရှိတယ်။ အဲဒီလို လူစု တဖြည်းဖြည်းနဲ့ ခွဲနေတဲ့အချိန်မှာ မစ္စတာ ကင်တားနားရဲ့ ကားယာဉ်တန်းက အဲဒီနေရာကို ည ၁၀ နာရီခွဲလောက်မှာ ရောက်လာတယ်။ ရောက်လာတဲ့အချိန် အဲဒီပတ်ဝန်းကျင်မှာ လူ ၁၀၀ လောက် ဆက်ပြီးတော့ ကျန်နေသေးတယ်။ အဲဒီလူတွေက မစ္စတာ ကင်တားနားကို ဆိုင်းဘုတ် ၁၆ ခုလောက် ထောင်ပြပြီးတော့မှ မစ္စတာ ကင်တားနားကို အလိုမရှိကြောင်း အော်တာတော့ ရှိတယ်။ နောက်တချို့လူ အနည်းငယ်တော့ သူကားတခါးမှန်ကို သွားခေါက်ပြီးတော့ စာတစောင်နဲ့ ကင်တားနားပုံ ရိုက်ထားတဲ့ တီရှပ်တထည်ပေးဖို့ ကြိုးစားခဲ့တယ်။ ကင်တားနား ကားတံခါးကို ဖွင့်မပေးတဲ့ အတွက်ကြောင့်မို့ အဲဒီစာပေးဖို့ ကြိုးစားတဲ့လူတွေကို ရဲကဖယ်ရှားပြီးတော့မှ ယာဉ်တန်းဆက်သွားနိုင်အောင် လမ်းရှင်းပေးခဲ့တယ်။

“နံပါတ် ၁ ရဲလုံခြုံရေး အစောင့်ရှောက် မရှိဘူးဆိုတာ မဟုတ်ဘူး။ ရဲက အတူတူပါတဲ့အပြင် သွားနိုင်ဖို့အတွက် လမ်းရှင်းပေးခဲ့တယ်။ ဆန္ဒပြနေတဲ့ လူတွေက သူကို အန္တရာယ်ပြုဖို့ အကြမ်းဖက်ဖို့အတွက် ကားကြီးကို ၀ိုင်းအုံပြီးတော့မှ ထုနှက်တယ်ဆိုတာ မဟုတ်ပါဘူး။ စာပေဖို့အတွက် မှန်တံခါးကို ခေါက်ပြီးတော့မှ တီရှပ်နဲ့ စာထောင်ပြတာပဲ ရှိတယ်လို့ ကျနော်တို့ ရဲတပ်ဖွဲ့တွေရဲ့ အစီအရင်ခံစာတွေအရ သိရပါတယ်။”

မစ္စတာ ကင်တားနားဟာ မြန်မာနိုင်ငံ ခရီးစဉ် ၁၁ ရက်တာအတွင်း ရခိုင်၊ ကချင် ၊ ချင်း နဲ့ ရှမ်း ပြည်နယ်တွေက လူ့အခွင့်အရေးအခြေ အနေတွေ သွားရောက် လေ့လာခဲ့ရာမှာ ရခိုင်ပြည်နယ်နဲ့ မိတ္ထီလာမြို့မှာ ဆန္ဒပြမှုတွေနဲ့ ကြုံတွေ့ခဲ့ရတာပါ။

မစ္စတာ ကင်တားနားက ရခိုင်ပြည်နယ်ခရီးစဉ်အတွင်း ဒေသခံတွေ ဆန္ဒပြမယ်လို့ သူ့အနေနဲ့ မမျှော်မှန်းထားကြောင်း၊ ပြည်သူတွေအနေနဲ့ သူတို့ရဲ့ ခံစားချက်တွေကို လွတ်လပ်စွာ ထုတ်ဖော်ခွင့်ရတာကို ကြိုဆိုတယ်လို့ ပြောဆိုပါတယ်။

ရခိုင်ပြည်နယ်မှာ အသိုက်အဝန်း ၂ ခုကို ခွဲခြားပြီး နေစေခြင်းဟာ ပုံမှန် အလေ့အထတခု ဖြစ်သွားမှာကို စိုးရိမ်ပြီး ယုံကြည်မှုပြန်လည် တည်ဆောက်ခြင်းကို အခက်အခဲတွေ့စေလိမ့်မယ်လို့ မစ္စတာကင်တားနားက သတိပေးပြောဆိုပါတယ်။

မြန်မာနိုင်ငံမှာ လူ့အခွင့်အရေး အခြေအနေတွေတုိုးတက်မှုတွေ ရှိလာပေမယ့် တိုင်းရင်းသားတွေနဲ့ ပြန်လည်ရင်ကြားစေ့ရေး ဖော်ဆောင်ရေး ကိစ္စရပ်တွေမှာတော့ စိန်ခေါ်မှုတွေ ရှိနေတယ်လို့ မစ္စတာ ကင်တားနားက ပြောပါတယ်။

“မြန်မာနိုင်ငံဟာ ကဏ္ဍတော်တော်များများမှာ အပေါင်းလက္ခဏာ နဲ့ တိုးတက်လာနေတာ တွေ့ရပါတယ်။ လူ့အခွင့်အရေး အခြေအနေတွေဟာ အကောင်းဘက်ကို ဦးတည်ပြောင်းလဲနေပါတယ်။ တိုင်းရင်းသား လူမျိုးစုတွေနဲ့ အမျိုးသားပြန်လည် သင့်မြတ်ရေး လုပ်ဆောင်တဲ့ နေရာမှာတော့ ကြီးမားတဲ့ စိန်ခေါ်မှုတွေ ရှိနေပါသေးတယ်။ အစိုးရ ထိပ်ပိုင်းကနေ အပစ်အခတ် ရပ်စဲဖို့ လုပ်ဆောင်ဖို့ လိုတယ်။”

မစ္စတာကင်တားနားက နိုင်ငံရေးအကျဉ်းသားအားလုံးကို ခြွင်းချက်မရှိ ပြန်လွှတ်ပေးဖို့ အစိုးရကို တောင်းဆိုခဲ့သလို ဖွဲ့စည်းပုံအခြေခံဥပဒေဆိုင်ရာ ပြုပြင်ပြောင်းလဲမှုတွေ ပြုလုပ်ရေးကိစ္စ၊ လွှတ်တော်မှာ တပ်မတော်သားကိုယ်စားလှယ် ၂၅ ရာခိုင်နှုန်း ပါ ဝင်နေမှု ကိစ္စတွေ ဆွေးနွေးခဲ့ပြီး ဆွေးနွေးမှုရလဒ်တွေအပေါ် အနည်းငယ်ကျေနပ်အားရတယ်လို့ ဆိုပါတယ်။

သူ့ရဲ့ မြန်မာနိုင်ငံ ခရီးစဉ်ဆိုင်ရာ အစီရင်ခံစာအပြည့်အစုံကိုလည်း ၂ဝ၁၃ ခုနှစ်၊ အောက်တိုဘာလ ၂၄ ရက်မှာ ကုလသမဂ္ဂအထွေထွေညီလာခံကို တင်သွင်းသွားမှာ ဖြစ်ပါတယ်။

ဒီအစီရင်ခံစာ တင်သွင်းတဲ့အချိန်မှာ အခုအကြမ်းဖက်မှု ဖြစ်ပွားခဲ့တဲ့ အခြေအနေကို မစ္စတာ ကင်တားနားက ထည့်သွင်းရေးသားမယ်ဆိုရင် အစိုးရအနေနဲ့ ဘယ်လိုတုံ့ပြန်မလဲဆိုတာနဲ့ ပတ်သက်ပြီး ဦးရဲထွဋ်က အခုလိုပြောပါတယ်။

“ကျနော်တို့ဘက်ကလည်း ဒါကို မဖြစ်ခဲ့တဲ့အကြောင်း ပြန်ရှင်းပြရမှာပေါ့။ သူနဲ့အတူ အဲတုန်းက မန္တလေးတိုင်း ဒေသကြီးအစိုးရ တာဝန်ရှိသူတချို့လည်း ပါလာသေးတယ်။ ရဲကားလည်း ပါတယ်။ ဒါတွေကို သူက ထုတ်ဖော်မပြောဘဲနဲ့ ရုတ်တရက် နားထောင်လိုက်ရင် မိတ္ထီလာမြို့က ပြည်သူတွေက သူ့ကို ၀ိုင်းအုံပြီး အသက်အန္တရာယ် ပြုတဲ့ ပုံမျိုးထိဖြစ်အောင် ပြောတာမျိုး ကျနော်တို့လည်း စိတ်မကောင်းဘူး။ ဒါက အဖြစ်မှန်နဲ့ လွဲနေတဲ့အတွက်ကြောင့်မို့။”

DVB
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
Myanmar rejects UN rights envoy's claim of attack
▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬▬
Posted: Aug 22, 2013 1:20 PM MST

By AYE AYE WIN
Associated Press

YANGON, Myanmar (AP) - Myanmar's government on Thursday disputed accusations that it failed to protect a top U.N. human rights envoy who said his vehicle was attacked by a 200-strong Buddhist mob during a visit to a city where religious violence flared earlier this year.

President Thein Sein's spokesman, Ye Htut, said U.N. rights rapporteur Tomas Ojea Quintana was never in any danger during his visit this week.

He said members of the crowd approached Quintana's convoy in the central city of Meikhtila only to give him a letter and a T-shirt, "so what Quintana said is very different from the true situation."

Myanmar, a predominantly Buddhist nation of 60 million people, has been gripped by sectarian violence in the last year that has left more than 250 people dead and sent another 140,000 fleeing their homes. Most of the victims - including at least 43 from a March attack in Meikhtila - were Muslims.

Quintana's 10-day visit to Myanmar, which ended Wednesday, was in part aimed at investigating ongoing tensions and the response of the government.

Quintana said his convoy was mobbed Monday night as security forces looked on.

"The fear that I felt during this incident, being totally unprotected by the nearby police, gave me an insight into the fear residents would have felt when being chased down by violent mobs during violence last March ... when police allegedly stood by as angry mobs beat, stabbed and burned to death 43 people," he said.

Quintana slammed the government for failing to do its job. "The state has failed to protect me," he said.

Ye Htut had another version of events.

In addition to helping to disperse hundreds of people before Quintana's arrival - he said 100 were left by the time the convoy arrived - one police car was escorting the U.N. rights envoy and 30 other officers were controlling the crowd, he said.

"Police gave protection to him and people had no intention to hurt him," Ye Htut said, adding that police successfully cleared a path and the convoy passed without incident.

Myanmar only recently emerged from decades of isolation and military rule. One of the biggest challenges of the new, quasi-civilian government has been the rising anti-Muslim sentiment.

Quintana said his own experience "highlighted for me the dangers of the spread of religious incitement in Myanmar and the deadly environment that this can create."

"Although the chief minister declared that the trust had been restored, this does not reflect reality," he said.

The unrest began last year in the western state of Rakhine, where Buddhists accuse the Rohingya Muslim community of illegally entering the country to encroach on their land.

Quintana faced several smaller protests during his visit, most of them peaceful. Almost all were by Buddhists, who feel that the U.N. and other international agencies are ignoring their complaints and tilting relief and reconstruction efforts in favor of the Muslim community.

It was Quintana's eighth trip to Myanmar since being named U.N. rights rapporteur. He will present his findings to the U.N. General Assembly on Oct. 24.

Copyright 2013 The Associated Press. All rights reserved. This material may not be published, broadcast, rewritten or redistributed.

အိမ်မြှောင်လေး တစ်ကောင်.

 
ဒီပုံပြင်လေးကတော့ ဂျပန်မှာ အမှန်တကယ်ဖြစ်ခဲ့တဲ့ အဖြစ်အပျက်လေးတစ်ခုပါ။

ဂျပန်မှာရှိတဲ့ ပုဂ္ဂိုလ်တစ်ဦးစာ အိမ်အဟောင်းကို ပြုပြင်ဖို့ နံရံကို ချိုးဖျက်ခဲ့တယ်။ ဂျပန်အိမ်တွေမှာ သစ်သားနံရံတွေကြား အခေါင်းပေါက်နေရာလပ်တစ်ခုရှိတယ်
သူဟာနံရံကိုဖြိုချတဲ့အခါ ညပ်နေတဲ့ အိမ်မြှောင်တစ်ကောင်ကို မြင်ခဲ့တယ်။ အပြင်က သံတစ်ချောင်းက အဲဒီအိမ်မြှောင်ရဲ့ ခြေတစ်ဖက်ကို ဖောက်ရိုက်ထားတာ သူတွေ့ခဲ့တယ်။ သူဟာ အိမ်မြှောင်လေးအပေါ်သနားစိတ်ဝင်ခဲ့တယ် ။ တစ်ချိန်ထဲမှာလည်း ဒီလိုဖြစ်ရတဲ့ အကြောင်းရင်းကို သိချင်လို့ သံချောင်းလေးကိုစစ်ဆေးလိုက်တဲ့အခါ သံချောင်းလေးရဲ့သက်တမ်းဟာ ပထမဆုံး အိမ်ဆောက်တဲ့ အချိန်နဲ့တွက်ကြည့်ရင် ( ၁၀ ) နှစ်လောက်ရှိနေတာကို တွေ့ရှိခဲ့ရတယ်။
ဘယ်လိုဖြစ်ရတာလဲ......။

အိမ်မျြောင်လေးဟာ တစ်နေရာထဲမှာပဲ ( ၁၀ ) နှစ်ကြာကြာ အသက်ရှင်ခဲ့တယ်။ မှောင်ပြီး ခွဲကန့်ထားတဲ့နံရံမှာ ( ၁၀ ) နှစ်ကြာကြာမရွေ့လျားဘဲ ရှိနေတဲ့အတွက် သူဟာ စိတ်ထဲမှာ မဖြစ်နိုင်သလို ခံစားရပြီး အံ့သြသင့်မှုတွေနဲ့ တုန်လှုပ်သွားခဲ့တယ်။ ပြီးတော့ ခြေထောက်မှာ သံရိုက်ခံရလို့ ခြေလှမ်းတစ်လှမ်းမှ မရွေ့လျားဘဲ ( ၁၀ ) နှစ်ကြာကြာ အသက်ရှင်နေတဲ့ ဒီအိမ်မြှောင်ကို သူအရမ်းအရမ်းအံ့သြမိတယ်။ ဒါကြောင့် သူ့အလုပ်ကိုရပ်ပြီး အိမ်မြှောင်ကလေး ဘာတွေလုပ်ပြီး ဘယ်လိုစားခဲ့လဲဆိုတာ့ လေ့လာကြည့်ခဲ့တယ်။

ဒီလိုနဲ့ သူ့စိတ်ထဲဖြစ်နေတဲ့ ခံစားချက်အတွက် အဖြေဖော်ထုတ်နိုင်ခဲ့ပါတယ်။ အဲဒါတော့ အခြား အိမ်မြှောင်လေးတစ်ကောင်က အစာတွေကို ပါးစပ်ထဲမှာ ထည့်ပြီး ဒုက္ခိတအိမ်မြှောင်လေးကို လာကျွေးနေလို့ပါပဲ။
Credit by စိတ်ကူးပျော်ရာ
 

ကွင်းဆင်းတွေ့ဆုံဆွေးနွေးဆောင်ရွက်မှုသတင်း

(၁၇-၈-၂၀၁၃)ရက်နေ့၊ (၁၃၀၀)နာရီအချိန်၊တောင်ကြီးမြို့နယ်၊ရွှေညောင်မြို့၊ သုခချမ်းသာ ရပ်ကွက်၊ ရွှေညီလာခန်းမတွင် မြို့နယ်အုပ်ချုပ်ရေးမှူးခေါင်းဆောင်သော မြို့နယ်စီမံခန့်ခွဲရေးကော်မတီ၊ မြို့နယ်ဖွံ့ဖြိုးတိုးတက်ရေးအထောက်အကူပြုကော်မတီ၊ မြို့နယ်စည်ပင်သာယာရေးကော်မတီတို့ ပူးပေါင်း၍ ရွှေညောင်မြို့ရှိ ရပ်ကွက်(၁၁)ရပ်ကွက်နှင့် နီးစပ်သည့် ကျေးရွာအုပ်စု(၅)အုပ်စုတို့မှ အုပ်ချုပ် ရေးမှူးများ၊ အထောက်အကူပြုကော်မတီများ၊ ရပ်မိရပ်ဖများ စုစုပေါင်းအင်အား (၂၅၀)ဦးခန့်နှင့် တွေ့ဆုံဆွေးနွေးပွဲ ဆောင်ရွက်ခဲ့ပြီးရပ်ကွက်/ကျေးရွာကော်မတီများမှ ပြန်လည် ဆွေးနွေး  တင်ပြခြင်းများ ဆောင်ရွက်ခဲ့ရာ (၁၇၀၀)နာရီအချိန်တွင် ပြီးဆုံးခဲ့ပါသည်။
http://taunggyitownship-gad.blogspot.com/

တောင်ကြီးမြို့၊ မြို့လုံးကျွတ်ဆွမ်းဆန်စိမ်းလောင်းလှူပွဲကျင်းပ

၂၁-၈-၂၀၁၃
ရှမ်းပြည်နယ်အစိုးရအဖွဲ့မှ ကြီးမှူးကျင်းပသော တောင်ကြီးမြို့၊ မြို့လုံးကျွတ်ဆွမ်းဆန်စိမ်း လောင်းလှူပွဲအား (၂၁-၈-၂၀၁၂)ရက်နေ့၊ နေ့လည် (၁၃၀၀)နာရီအချိန်မှ စတင်၍ တောင်ကျောင်းကြီး ဘုန်းတော်ကြီးကျောင်းမှ အနောက်မြို့ပတ်လမ်း တစ်လျှောက်နှင့်မဏ္ဍပ် (၁၁)ခုတို့တွင် ရပ်ကွက်ပြည်သူများ မှ ဆွမ်းဆန်စိမ်းလောင်းလှူခဲ့ပြီး ညနေ (၁၅၀၀) နာရီအချိန် မင်းကျောင်းဘုန်းတော်ကြီးကျောင်းသို့ ရောက်ရှိရာ မင်းကျောင်းဘုန်းကြီးကျောင်းဝင်းအတွင်း၌ ရှမ်းပြည်နယ်အစိုးရအဖွဲ့မှ ဝန်ကြီးများဖြစ်ကြ သော  လျှပ်စစ်ဝန်ကြီး၊ စီမံ/စီးပွားဝန်ကြီး၊ လူမှုရေးဝန်ကြီး၊ ပြည်သူ့လွှတ်တော်ကိုယ်စားလှယ် နှင့် ပြည်နယ်/ခရိုင်/မြို့နယ်အဆင့်ဌာနဆိုင်ရာများ၊ ပြည်နယ်မိခင်နှင့် ကလေးစောင့်ရှောက်မှုကြီးကြပ်ရေးအဖွဲ့၊ ပြည်နယ်အမျိုးသမီးရေးရာအဖွဲ့၊ ဆန်ကုန်သည် ကြီးများအသင်း၊ တောင်ကြီးမြို့ပေါ် (၂၂)ရပ်ကွက်၊ အေးသာယာ၊ ရွှေညောင်ရပ်ကွက်များ၊ ကျေးရွာအုပ်စု အုပ်ချုပ်ရေးမှူး များ၊ ရပ်ကွက်ပြည်သူအလှူရှင်များမှ သံဃာတော် (၁၃၇၅)ပါးအား လမ်းကြောင်းတစ်လျှောက် ဆွမ်းဆန်စိမ်း၊ (၆၃၄)အိတ်နှင့် လှူဖွယ်ဝတ္တု ပစ္စည်းများဖြစ်သော ဝတ္ထုငွေနှင့် ဆပ်ပြာခဲ၊ ဆပ်ပြာမှုန့်၊ သွားတိုက်ဆေး (တန်ဖိုး-၃၆၀၀၀၀ဝိ/-)တို့ကို လောင်းလှူခဲ့ကြပြီး တောင်ကြီးမြို့ပေါ်ရှိ ဘုန်းကြီးကျောင်း (၉၀)ကျောင်းနှင့် သီလရှင်ကျောင်း (၁၅) ကျောင်းအား ဆွမ်းဆန်အိတ် (၅၆၆)အိတ်ကို ခွဲဝေလှူဒါန်းပေးခဲ့ရာ စုစုပေါင်းလောင်း လှူခဲ့သော ဆွမ်းဆန်အိတ်ပေါင်းမှာ (၁၂၀၀)အိတ် (တန်ဖိုး-၂၂၂၀၀၀၀ဝိ/-)ဖြစ်ပြီး၊ စုစုပေါင်း ဆွမ်းဆန် အိတ်နှင့် လှူဖွယ်ဝတ္ထုများ (တန်ဖိုး-၂၅၈၀၀၀၀ဝိ/-)ကျပ် လောင်းလှူခဲ့ပါကြောင်း တင်ပြ အပ်ပါသည်။
http://taunggyitownship-gad.blogspot.com/
 

မြိတ်မြို့သို့ ၀င်ရောက်လာနိုင်သော ဖောက်ခွဲရေးသမား သုံးဦး၏ပုံကို သက်ဆိုင်ရာက ထုတ်ပြန်

22.8.2013

မြိတ်မြို့သို့ ၀င်ရောက်လာနိုင်သော ဖောက်ခွဲရေးသမား သုံးဦး၏ပုံကို သက်ဆိုင်ရာက ထုတ်ပြန်ခဲ့ကြောင်း သတင်းရရှိသည်။ အဆိုပါ ဖောက်ခွဲရေးသမားများ သတင်းကြောင့် မြို့အ၀င်အထွက် လမ်းကြောင်းများ အပါအ၀င် ပင်လယ်ပိုင်းရှိ ကျွန်းများနှင့် ကျေးရွာများအထိ စနစ်တကျ စောင့်ကြည့်စစ်ဆေးခြင်းများ ပြုလုပ်လျက်ရှိကြောင်း သိရသည်။

ယခုလလယ်ပိုင်းမှ စတင်ပြီး မြိတ်မြို့သို့ ဖောက်ခွဲရေးသမားသုံးဦး ဖောက်ခွဲရေး ပစ္စည်းများနှင့်အတူ ၀င်ရောက်လာနိုင်ကြောင်း သတင်းများ ရရှိခဲ့ရာ လုံခြုံရေး တိုးမြင့်ဆောင်ရွက်ခဲ့ကြောင်း သိရသည်။ ဖောက်ခွဲရေးသမားသုံးဦး ရောက်ရှိနေသည့် သတင်းမှာ ဓာတ်ပုံများနှင့်အတူ အာဏာပိုင်များထံသို့ ရောက်ရှိနေပြီး ရပ်ကွက်အလိုက်၊ ကျေးရွာများအလိုက် လုံခြုံရေး တိုးမြှင့်ခဲ့သလို လူဝင်လူထွက်များ သိရှိနိုင်ရန် ဧည့်စာရင်းများစစ်ခြင်း၊ မြို့အ၀င်ထွက်များတွင် စောင့်ကြည့်ခြင်းများ လုပ်ဆောင်ခဲ့ကြောင်း သိရသည်။

"ဖောက်ခွဲရေးသမား သုံးဦးကတော့ အခုထိ မမိသေးပါဘူး။ သတင်းတွေ အမျိုးမျိုး ထွက်နေပေမယ့် လုံခြုံရေးကိုတော့ စနစ်တကျ လုပ်ဆောင်နေပါတယ်။ ကျေးရွာနဲ့ ရပ်ကွက်တွေအလိုက် ဆယ်အိမ်စု၊ ရာအိမ်စုမှူးတွေအထိ အဆင့်ဆင့် စောင့်ကြည့်တဲ့ စနစ်နဲ့ လုပ်ဆောင်နေသလို ပင်လယ်ထဲက ကျွန်းတွေ၊ ဆိပ်ကမ်းအ၀င်အထွက်ကိုလည်း စောင့်ကြည့်စစ်ဆေးနေတယ်။ သတင်းရပြီးတာနဲ့ လုံခြုံရေးကို ယခင်ကထက် ထပ်တိုးထားပါတယ်။ သြဂုတ် ၁၇ နေ့ကစပြီး နေ့ရောညပါ လူတစ်ဦးချင်းအလိုက် ရှာပါတယ်။ ဆိုက်ကားတွေ ဆိုင်ကယ်တွေကို တစ်စီးချင်း ရှာပါတယ်။ ညပိုင်းဆိုရင် မြစ်ထဲမှာ လှေတွေနဲ့ ကင်းလှည့်စောင့်ကြည့် ပါတယ်။ ရွာတွေက လှေဆိပ်လေးတွေအထိ လိုက်စစ်နေပါတယ်။ လုံခြုံရေးနဲ့ ပတ်သက်ပြီး ထပ်တိုးထားတာပဲ ရှိပါတယ်။ ဘယ်နေ့ဘယ်ရက်အထိ ချမယ်ဆိုတာမျိုး မရှိပါဘူး။ ရက်အကန့်အသတ်မရှိ ဆောင်ရွက်မှာပါ" ဟု ကျွဲကူးတံတားတွင် တာဝန်ကျနေသူ ရဲတပ်ဖွဲ့ဝင် တစ်ဦးက ပြောကြားသည်။

သြဂုတ်လလယ်ပိုင်းတွင် ဖောက်ခွဲရေးသမားသုံးဦး ထိုင်းနိုင်ငံမှတစ်ဆင့် ပင်လယ်ရေကြောင်း ခရီးဖြင့် ၀င်ရောက်လာကြောင်း၊ ကော့သောင်-ဘုတ်ပြင်းဘက်မှ ရေလမ်းခရီးကို အသုံးပြုကာ ၀င်ရောက်လာခြင်းဖြစ်ကြောင်း သတင်းများ ရရှိပြီးနောက်ပိုင်း မြိတ်မြို့တွင် လုံခြုံရေး တိုးမြှင့်ခဲ့ခြင်းဖြစ်ကြောင်း သိရသည်။

သက်ဆိုင်ရာမှ ထုတ်ပြန်သည့် ဖောက်ခွဲရေးသမား သုံးဦးမှာ မာမက် (ခ) သိန်းအောင်၊ အာဇတ်နှင့် ယူနွတ်တို့ဖြစ်ပြီး မာမက် (ခ) သိန်းအောင်မှာ ယခင် မြန်မာနိုင်ငံသားဖြစ်ပြီး ယခု ထိုင်းနိုင်ငံသားအဖြစ် ခံယူထားသူဖြစ်ကာ မြန်မာနိုင်ငံ၌ အသက် (၁၂) အထိ နေထိုင်ခဲ့ကြောင်း၊ အာဇတ်မှာ အင်ဒိုနီးရှားတွင် နေထိုင်ကာ နိုင်ငံသား စိစစ်ဆဲဖြစ်ကြောင်းနှင့် ယူနွတ် (ခ) လှမြင့်မှာ ရခိုင်ပြည်နယ် ဇာတိဖြစ်ကာ ယခုထိုင်းနိုင်ငံသား ခံယူထားကြောင်း သိရပြီး ၎င်းတို့ သုံးဦးစလုံးမှာ မြန်မာစကားကို ကောင်းမွန်စွာ ပြောဆိုနိုင်ကြောင်းလည်း သိရသည်။

ယင်းတို့နှင့် ပတ်သက်၍ ပြင်ပတွင် သတင်းမျိုးစုံ ထွက်ပေါ်နေသော်လည်း ၎င်းတို့အား ယခုအချိန်အထိ ဖမ်းဆီးရမိခြင်း မရှိသေးကြောင်း သိရသည်။

Eleven Media Group
 

အမြန်လမ်းမမှာ တောင်ပေါ်သားအဝေးပြေးကား မြောင်းထဲထိုးကျ

3.8.2013

ယနေ့ နေ့ လည်၂း၁၁မိနစ်ခန့်ကနေပြည်တော်အြ

မန်လမ်းမ မိုင်တိုင်အမှတ် ၁၅၇/၇မှာတောင်ပေါ်သားအဝေးပြေးကားကလမ်းပြုပြင်မှုပြုလုပ် နေတဲ့ မော်တော်ယာဉ်ကိုဝင်တိုက်ပြီးဘေးကမြောင်းထဲကို ထိုးကျခဲ့ပါတယ်။

တောင်ပေါ်သားကားဟာရန်ကုန်မှနေပြည်တော်သို့ သွားမှာဖြစ်ပြီးခရီးသည်
၂၈ဦးခန့်ပါပါတယ်။ယာဉ်တိုက်မှုကြောင့်ခရီးသည်တစ်ဦးတစ်ယောက်မှ ဒဏ်ရာအပြင်းအထန်ရခြင်းမရှိဘဲ ယာဉ်မောင်းနှစ်ဦးအနက် တစ်ဦးမှာ ခြေထောက်နဲ့ လက်များပွန်းပဲ့ဒဏ်ရာရရှိခဲ့တယ်။

"ရှေ့ကကားသေးလေးကိုကျော်တက်ခိုင်းတာအဲဒါကိုကားသေးလေးကမတက်တော့သူကတက်တော့အရှိန်မထိန်းနိုင်တော့ဘူးလမ်းပြင်နေတဲ့ သူတွေ ထိမှာစိုးလို့လမ်းဘေးကိုဆွဲချလိုက်ပြီဆိုတာကိုတွေ့ တော့ ခေါင်းငုံ့ချလိုက်တာ၊ကြောက်တာတော့တော်တော်ကြောက်သွားတယ်"လို့ ကားပေါ်ပါလာသူအသက်သုံးဆယ်ဝန်းကျင်အမျိုးသမီးတဦးပြောပါတယ်။

အမြန်လမ်းရဲဝန်ထမ်းများကစစ်ဆေးလျှက်ရှိပါတယ်။
Author ချိုဇင်မာဝင့်
Kumudra

https://www.facebook.com/permalink.php?story_fbid=322133757933536&id=137023683111212

တောင်ကြီးမြို့၊ မြို့တော်ခန်းမ၌ တွေ့ဆုံပွဲကျင်းပ

refind; peace moon

၂၀-၈-၂၀၁၃

ရှမ်းပြည်နယ်ဝန်ကြီးချုပ် ဦးစ၀်အောင်မြတ်သည်ပြည်နယ်လွှတ်တော်ဥက္ကဌ၊ ပြည်နယ်ဥပဒေချုပ် ၊ပြည်နယ်တရားသူကြီးချုပ်၊ပြည်နယ်စာရင်းစစ်ချုပ်၊ ပြည်နယ်ဝန်ကြီးများ၊ ကိုယ်ပိုင်အုပ်ချုပ်ခွင့်ရဒေသဥက္ကဌများ၊ပြည်နယ်၊ခရိုင်၊မြို့နယ် ဌာနဆိုင်ရာများ
စီမံခန့်ခွဲရေးကော်မတီ ၊ဖွံ့ဖြိုးတိုးတက်ရေး အထောက်အကူပြုကော်မတီနှင့် စည်ပင်သာယာရေးကော်မတီများ၊လူမှုရေးအဖွဲ့အစည်းများပါဝင်သော
လူထုတွေ့ဆုံပွဲတစ်ရပ်ကိုဩဂုတ် ၂၀ ရက်၊ နေ့လည်၁ နာရီ တွင်တောာင်ကြီးမြို့၊မျြိုတော်ခန်းမတွင် ကျင်းပခဲ့သည်။အစိုးရသစ်အနေဖြင့် ဖွဲ့စည်းပုံအခြေခံဥပဒေ နှင့်အညီ စီမံဆောင်ရွက်ခဲ့သည်မှာ လပေါင်း ၃၀ကျော်ကာလရှိခဲ့ပြီဖြစ်ကြောင်း၊ပြည်သူများ ရွေးချယ်ခဲ့သည့် အစိုးရဖြစ်သလို၊ ပြည်သူများကိုယ်တိုင်လည်း ပါဝင်ရွေးချယ်ခံနိုင်သည့် စနစ်ဖြစ်ကြောင်း၊ ကောင်းမွန်သော အုပ်ချုပ်မှုစနစ်၊ သန့်ရှင်းသောအစိုးရ ဖြစ်ရေးသည် အဆင့်ဆင့်တွင် တာဝန်ရှိကြောင်း၊ပြည်သူများ၏ လူမှုဘ၀ နေ့စဉ်နှင့်အမျှ လွယ်ကူလျင်မြန် အဆင်ပြေမှသာလျှင် တိုင်းပြည်တည်ငြိမ်အေးချမ်းပြီး၊ ဖွံ့ဖြိုးရေးလုပ်ငန်းများ အကောင်အထည်ဖော် ဆောင်ရွက်နိုင်မှာဖြစ်ပါကြောင်း၊ ခရိုင်နှင့် မြို့နယ်များတွင် စီမံခန့်ခွဲရေးကော်မတီ ၊ဖွံ့ဖြိုးတိုးတက်ရေး အထောက်အကူပြုကော်မတီနှင့် စည်ပင်သာယာရေးကော်မတီများဖြင့် ဖွဲ့စည်းဆောင်ရွက်လျက်ရှိကြောင်း၊ အဆိုပါကော်မတီများကလည်း လစဉ်လုပ်ငန်းညှိနှိုင်းအစည်းအဝေးကို တစ်လလျှင် နှစ်ကြိမ်တွေ့ဆုံပြီး ဒေသဖွံ့ဖြိုးတိုးတက်ရေး၊ သဘာဝဘေးအန္တရာယ် ကြိုတင်ကာကွယ်ရေး လုပ်ငန်းများ ညှိနှိုင်းဆွေးနွေး ဆောင်ရွက်ကြရန် လူထု
တွေ့ဆုံပွဲ အခမ်းအနားတွင် အဖွင့်အမှာစကား၌ ထည့်သွင်းပြောကြားသွားကြောင်း သိရသည်။

https://www.facebook.com/linnlet.linnlet?hc_location=stream

ဖေဖေ့ကိုချစ်တယ် ( I Love you Dad)

လူတစ်ယောက်က သူ့ ရဲ့ ကားအသစ်ကို ပေါလစ်တိုက်နေတယ်
အဲဒီအချိန်မှာ သူ့ ရဲ့ ၆နှစ်အရွယ်သားလေးဟာ ကျောက်ခဲနဲ့ ကားရဲ့ ဘေးခြမ်းမှာ ခြစ်လိုက်တယ်။
သူတော်တော်စိတ်ဆိုးသွားပြီသူ့ သားရဲ့ လက်ကို ဂွနဲ့ သတိမထားမိပဲ အချက်ပေါင်းများစွာ ထုရိုက်မိသွားတယ်

ဆေးရုံးရောက်တော့ သားလေးရဲ့ လက်ချောင်လေးတွေဟာ ကျိုးကြေကုန်လို့ မတတ်သာပဲအကုန်ဖြတ်လိုက်ရရှာတယ်
ဖခင်ကိုတွေ့ တော့ နာကျည်းနေတဲ့မျက်ဝန်းတွေနဲ့  “ဖေဖေ သားရဲ့ လက်ချောင်းတွေ ပြန်ပေါက်လာဦးပါ့မလား”လို့ မေးရှာတယ်
ဖခင်ဟာအရမ်းခံစားသွားရပြီး ပြောစရာစကားတွေပျောက်ဆုံးသွားတယ်
ဒါနဲ့ သူ့ ကားဆီကိုပြန်သွားပြီး သူ့ ရဲ့ ကားအသစ်ကိုအချက်ပေါင်းများစွာကန်တယ်
မောပန်းပြီး ကားအနားမှာငုတ်တုတ်ထိုင်ရင်း သူ့ ရဲ့ သားငယ်ခြစ်ထားတဲ့ ခဲခြစ်ရာကို ကြည့်မိတယ်။ အဲဒီမှာ ရေးထားတာက.... “ဖေဖေကိုချစ်တယ်”တဲ့။ ။
သူဘယ်လိုမှမခံစားနိုင်ပဲ နောက်တစ်နေ့ မှာ ကိုယ့်ကိုယ်ကိုယ်အဆုံးစီရင်လိုက်တယ်

ဒေါသနဲ့ ချစ်ခြင်းမေတ္တာမှာ အကန့် အသတ်ဆိုတာမရှိဘူး
အချစ်ကိုသာရွေးချယ်ပြီး လှပပြီး နှစ်လိုဖွယ်ကောင်းတဲ့ဘ၀ကိုသာရွေးချယ်ပါ
အရာဝတ္ထုဆိုတာအသုံးပြုဖို့ ၊ လူဆိုတာချစ်ဖို့ ။
ဒါပေမယ့် ယနေ့ လောကကြီးရဲ့ ပြသနာက လူတွေကိုအသုံးပြုပြီး အရာဝတ္ထုတွေကို ချစ်နေကြတယ်

ဒီနေ့ ကစပြီး စိတ်ထဲမှာ သတိထားပြီး မှတ်သားသွားပါ
အရာဝတ္ထုတွေဆိုတာ အသုံးပြုဖို့ ၊ လူတွေဆိုတာ ချစ်ဖို့ ပါ

ဒီစာပိုဒ်လေးကိုတော့ ဘာသာပြန်တာထက်စာရင် မူရင်း အင်္ဂလိပ်လိုက ပိုပြီး အနှစ်သာရ ရှိလို့ မပြန်တော့ပါဘူး (Watch your thoughts; they become words. Watch your words; they become actions. Watch your actions; they become habits. Watch your habits they become character;Watch your character; it becomes your destiny.)

ရှမ်းပြည်နယ် သတ္တုနှင့် သစ်တောဝန်ကြီးအိမ် လွှတ်တော်အမတ်သားက ကားနဲ့ဝင်တိုက်

ဂျွန်ချစ်ငြိမ်း | တနင်္ဂနွေနေ့၊ သြဂုတ်လ ၁၁ ရက် ၂၀၁၃ ခုနှစ် ၁၅ နာရီ ၅၈ မိနစ်

ရှမ်းပြည်နယ် သတ္တုနှင့် သစ်တောဝန်ကြီး ဦးစိုင်းအိုက်ပေါင်း၏ နေအိမ်ဂိတ်တံခါးကို ဆီဆိုင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်ဝင်းကို၏ သားဖြစ်သူ မောင်းနင်သည့် တိုယိုတာ ဟိုင်းလတ် ဆပ် ယာဉ်အမှတ် ၄စ/၄၈၂၂ က အရှိန်မထိန်းနိုင်ဘဲ ဝင်တိုက်မှု သြဂုတ်လ ၁၁ ရက် နံနက်ပိုင်းက ဖြစ်ပွားခဲ့သည်။

တောင်ကြီးမြို့၊ ဗိုလ်ချုပ်အောင်ဆန်းလမ်း ပေါ်တွင် တောင်မှမြောက်သို့ ယာဉ်မောင်းဖြစ်သူ ခွန်ပြည့်စုံထွန်းမှောင်းနှင်လာသည့် ဟိုင်းလတ် ဆပ်ယာဉ် အမျိုးအစားသည် ရှမ်းပြည်နယ် သတ္တုနှင့် သစ်တော ၀န်ကြီး ဦးစိုင်းအိုက်ပေါင်း၏ နေအိမ်အနီး အရောက်တွင် အရှိန်မထ်ိမ်းနိုင်ဘဲ နေအိမ်ဂိတ် တံခါးမကြီးကို ၀င်တိုက်ခဲ့ခြင်းဟု တောင်ကြီးမြို့ မြို့မရဲစခန်းမှ အမည်မဖေါ်လိုသည့် နယ်ထိန်း ရဲတပ်ဖွဲ့ဝင်က မဇ္ဈိမကို ပြောသည်။

"ယာဉ်မောင်းလာတဲ့ ကောင်လေးက အသက် ၁၆ နှစ်ပဲရှိပါသေးတယ်၊ ပန်သခွား အထကမှာ ကျောင်းတက်နေတဲ့ ၁၀တန်းကျောင်းသားပါ၊ ကားတိုက်တော့ ကားထဲကကလေအိတ်ထွက်လာတာနဲ့ သူကတော့ဘာမှ မဖြစ်ပါဘူး၊ ကားတော့ရှေ့တစ်ခြမ်း လုံးကြေပြီး၊ ဘီးလည်းကွဲသွားပါတယ် ထိခိုက်ဒဏ်ရာရသူမရှိပါဘူး" ဟု အဆိုပါ နယ်ထိန်း ရဲတပ်ဖွဲ့ဝင်က ပြောသည်။

ယင်းယာဉ်တိုက်မှုဖြစ်စဉ်နှင့် ပတ်သတ်၍ ယာဉ်မောင်းသူ ခွန်ပြည့်စုံထွန်းကို ယာဉ်ထိန်းရဲတပ်ဖွဲ့ ရုံးတွင် ခေါ်ယူစစ်ဆေးလျက်ရှိပြီး ပျက်ဆီး ဆုံးရှုံးမှုတန်ဖိုး မသိရှိရသေးပါ။
===========================================
ပုံစာအညွှန်း - ရှမ်းပြည်နယ် သတ္တုနှင့် သစ်တောဝန်ကြီး ဦးစိုင်းအိုက်ပေါင်း၏ နေအိမ်ဂိတ်တံခါးကို ဆီဆိုင်မြို့နယ် ပြည်သူ့လွှတ်တော်ကိုယ်စားလှယ် ဦးခွန်ဝင်းကို၏ သားဖြစ်သူ မောင်းနင်သည့် တိုယိုတာ ဟိုင်းလတ် သြဂုတ်လ ၁၁ ရက် နံနက်ပိုင်းက ဝင်တိုက်မိစဉ်။ (ဓာတ်ပုံ ဂျွန်ချစ်ငြိမ်း)