Written by ရွှေတည်
တောင်ကြီး ဧပြီ ၂၄
ရှမ်းပြည်နယ် ကျန်းမာရေး ဦးစီးဌာနနှင့် နမ့်ခုံးရှမ်းများ ပရဟိတ အသင်းတို့မှ ပူးပေါင်းဖွင့်လှစ်သည့်
စေတနာ့ဝန်ထမ်း လူထုကျန်းမာရေးလုပ်သား
သင်တန်း ပထမအကြိမ် ဖွင့်ပွဲ အခမ်းအနားကို ယမန်နေ့ နံနက် ၁ဝ နာရီက
တောင်ကြီးမြို့ ကျောင်းကြီးစုရပ်ကွက် မဟာစည်လမ်းရှိ နမ့်ခုံးရှမ်းများ
ပရဟိတအသင်းရုံးခန်းမ၌ ကျင်းပရာ ပြည်နယ် ကျန်းမာရေး ဦးစီးဌာနမှူး ဒေါက်တာ
သန်းထွဋ်ဦးက အဖွင့်အမှာစကား ပြောကြားပြီး နမ့်ခုံးရှမ်းများ ပရဟိတအသင်း
ဥက္ကဋ္ဌ ဦးစိုင်းထွန်းမြက သင်တန်းဖွင့်လှစ်ရခြင်းနှင့် ပတ်သက်၍ ရှင်းလင်း
ပြောကြားသည်။
ထို့နောက် သူနာပြု ဦးစီးအရာရှိ
အငြိမ်းစား ဆရာမ ဒေါ်နန်းခင်စောက စေတနာ့ဝန်ထမ်း လူထုကျန်းမာရေး လုပ်သား
သင်တန်းဖွင့်လှစ်ရခြင်း ရည်ရွယ်ချက်ကို ရှင်းလင်းပြောကြားရာတွင်
ရှမ်းပြည်နယ် (တောင်ပိုင်း) ရှိ လင်းခေး၊ မိုင်းရှူး၊ ကွန်ဟိန်း စသည့်
ဝေးလံသော ကျန်းမာရေးဦးစီးဌာန၏ လက်လှမ်းမမီသော ဒေသ များတွင် စေတနာ့ဝန်ထမ်း
သူနာပြုများ ထားရှိခြင်းဖြင့် ဒေသခံ ပြည်သူများ၏ ကျန်းမာရေး
လုပ်ငန်းများကို ပိုမို ထိရောက်စွာ ဆောင်ရွက်နိုင်မည် ဖြစ်ကြောင်း
ပြောကြားသည်။
ဆက်လက်၍ ပြည်နယ် ကျန်းမာရေး ဦးစီးဌာနမှူး
ဒေါက်တာ သန်းထွဋ်ဦးက လူထု ကျန်းမာရေးလုပ်သား သင်တန်း လက်စွဲစာအုပ်နှင့်
သင်ရိုးညွှန်းတမ်း စာအုပ်များ ပေးအပ်ရာ တာဝန်ရှိသူများက လက်ခံရယူ ကြသည်။
အဆိုပါ သင်တန်းကို ပထမအကြိမ်အဖြစ် ဧပြီ ၂၃ ရက်မှ ဇွန် ၂၃ ရက်အထိ
ဖွင့်လှစ်မည်ဖြစ်ပြီး သင်တန်းကို အငြိမ်းစား သူနာပြု ဆရာမကြီး
ဒေါ်နန်းခင်စောက ဦးဆောင်၍ နည်းပြ ဆရာ၊ ဆရာမ ငါးဦးဖြင့်
သင်ကြားပို့ချသွားမည် ဖြစ်ပြီး သင်တန်းသား၊ သင်တန်းသူ ၆၂ ဦး
တက်ရောက်ကြောင်း သတင်း ရရှိသည်။http://www.myawady.net.mm
No comments:
Post a Comment