Written by စကားဝါ
လော့စ်အိန်ဂျလိစ် မေ ၂၈
Google ကုမ္ပဏီသည် အခြားကုမ္ပဏီ များမှ
ထုတ်လုပ်သော ကားများထက် ပို၍ ကောင်းမွန်သည့် အလိုအလျောက် မောင်းစနစ်
ကားများကို စတင်ထုတ်လုပ် လျက်ရှိ သည်ဟု သိရသည်။
အဆိုပါ ကားများတွင် အဖွင့်အပိတ် ခလုတ်
တစ်ခုသာ ပါရှိမည်ဖြစ်ပြီး ထိန်းချုပ် စနစ်များ ဖြစ်ကြသော လက်ကိုင် စတီယာရင်
(သို့မဟုတ်) ခြေနင်း စနစ်များ ပါဝင်မှု မရှိဟု သိရသည်။ Google မှ
ထုတ်လုပ်နေသည့် အလိုအလျောက် မောင်းကားများသည် ကာတွန်းပုံစံ တစ်ခုနှင့်
တူညီနေပြီး ၎င်းကားများ၏ အရှေ့ပိုင်းတွင် သာမန် ကားများတွင် ပါဝင်နေကျ ဖြစ်သော
ကားရှေ့ဖုံးများ မပါဝင်သည့် အပြင် ကားဘီးများ ကိုလည်း ထောင့်စွန်းများတွင်
တပ်ဆင် ထားသည်ဟု သိရသည်။
အဆိုပါ ကားများတွင် လူနှစ်ဦး ထိုင်၍
ရနိုင်မည်ဖြစ်ပြီး လျှပ်စစ် ဓာတ်အားကို အသုံးပြု၍ ယာဉ်ကို
မောင်းနိုင်မည်ဖြစ်သည်။ ယာဉ်ပေါ်တွင် လိုက်ပါစီးနင်းမည့် လူများ ဘေးအန္တရာယ်
ကင်းစေရန်အတွက် ကား၏အမြန်နှုန်းကို အစပိုင်းတွင် တစ်နာရီ ၂၅မိုင် ကန့်သတ်
ပေးထားသည်ဟု သိရသည်။
အဆိုပါကားကို အလိုအလျောက်
မောင်းနှင်နိုင်စေရန် ကားထဲတွင် ကင်မရာ အချက်အလက် နှင့်အတူ လေဆာနှင့် ရေဒါ
အာရုံခံ စနစ်များ ပေါင်းစပ်ထားသည့် စနစ် တစ်ခုကိုလည်း ထည့်သွင်း
အသုံးပြုထားပြီး ယာဉ်၏ သွားလာမှု လမ်းကြောင်းအတွက် Google ကုမ္ပဏီ၏ လမ်းညွှန်
မြေပုံများကို ကားအတွင်း၌ ထည့်သွင်း အသုံးပြု သွား မည်ဟု သိရသည်။
ယခု ထုတ်လုပ်နေသည့် အလိုအလျောက်
မောင်းကားများနှင့် ပတ်သက်၍ မိမိတို့အနေဖြင့် အလွန်စိတ်လှုပ်ရှားလျက်
ရှိကြောင်း၊ အဆိုပါ ကားများကို ဒက်ထရွိုက် မြို့တွင် ကားအစီးရေ
၂ဝဝဝန်းကျင်ခန့် ထုတ်လုပ်သွား မည်ဖြစ်ကြောင်း၊ ၎င်းကားများကို ယခုနှစ်အတွင်း
လမ်းများပေါ်၌ တွေ့မြင်ရလိမ့်မည် ဖြစ်ကြောင်ွး Google ကုမ္ပဏီ၏
အလိုအလျောက်မောင်း လူစီးယာဉ် စီမံကိန်းမှ ညွှန်ကြားရေးမှူးဖြစ်သူ
ခရစ်အမ်ဆန်က ပြောကြားသည်။
http://www.myawady.net.mm
No comments:
Post a Comment