၂၀၁၄ ဇွန် ၀၈
ရှမ်းပြည်နယ်စည်ပင်သာယာရေးဌာန၊ အငယ်တန်းအင်ဂျင်နီယာ - ၃ လုပ်ငန်းခွင်ဝင် သန်တန်းဆင်းပွဲနှင့် ရာထူးခန့်အပ်ခြင်းအခမ်းအနားကို ဇွန် (၈)ရက် နံနက်(၉)နာရီက တောင်ကြီးမြို့၊ မြို့တော်ခန်းမ၌ ကျင်းပရာ၊ ရှမ်းပြည်နယ်စည်ပင်သာယာရေးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်စည်ပင်သာယာရေး ဝန်ကြီး ဦးစိုင်းလှဝင်းမှ သင်တန်းဆင်း အဖွင့်အမှာ စကားပြောကြားသည်။
ဆက်လက်၍ ရှမ်းပြည်နယ်စည်ပင်သာယာရေးကော်မတီ အတွင်းရေးမှူး၊ ရှမ်းပြည်နယ် စည်ပင်သာယာ ရေးဌာန၊ ညွှန်ကြားရေးမှူး ဦးစိုင်းထွန်းထွန်းမှ အငယ်တန်းအင်ဂျင်နီယာ - ၃ သင်တန်းဖွင့်လှစ်ခြင်းနှင့် ရာထူးခန့်အပ်ခြင်း၊ တာဝန်ချထားခြင်းဆိုင်ရာ ကိစ္စရပ်များအား ရှင်းလင်းတင်ပြသည်။
ထို့နောက် ရှမ်းပြည်နယ်စည်ပင်သာယာရေးကော်မတီ ဥက္ကဌ၊ ရှမ်းပြည်နယ်အစိုးရအဖွဲ့ ပြည်နယ်စည်ပင် သာယာရေး ဝန်ကြီး ဦးစိုင်းလှဝင်းမှ အငယ်တန်းအင်ဂျင်နီယာ - ၃ ဝန်ထမ်းများ အား ခန့်အပ်ခြင်း၊ တာဝန် ချထားခြင်း၊ ရုံးအမိန့်များကို ရှမ်း(တောင်)၊ (မြောက်)၊ (ရှေ့) တွင် တာဝန်ထမ်းဆောင်မည့် သင်တန်းသား/သူ၊ (၁၃၇)ဦးတို့ကို ပေးအပ်ခဲ့သည်။
အဆိုပါ အခမ်းအနားသို့ ရှမ်းပြည်နယ်စည်ပင်သာယာရေးကော်မတီ ဥက္ကဌ၊ ရှမ်းပြည်နယ် အစိုးရအဖွဲ့ ပြည်နယ်စည်ပင်သာယာရေး ဝန်ကြီး၊ ပြည်နယ်စည်ပင်သာယာရေးကော်မတီ အတွင်းရေးမှူး၊ မြို့နယ်အထောက် အကူပြု ကော်မတီများ၊ မြို့နယ်စည်ပင်သာယာရေးကော်မတီများ၊ အင်ဂျင်နီယာမှူးကြီးများ၊ သင်တန်းပို့ချပေး သည့် ဆရာများ၊ သင်တန်းသား/ သူများ၊ ဖိတ်ကြားထားသည့် ဧည့်သည်တော်များတက်ရောက်ကြကြောင်း သိရှိရသည်။
မောင်မောင်သန်း(တောင်ကြီး)
refind;www.shanstate.gov.mm
No comments:
Post a Comment