ေျ​မ​ယာ​သိ​မ​္း​ဆ​ည​္း​မွဳ​ေျ​ဖ​ရွ​င​္းေ​ပး​ေ​ရး​ေက်း​ရြာ​ေ​ပါ​င​္း​စုံ​ေ​တာင္သူမ်ား​မွ ၾ​သ​ဂုတ္လ (၈)ရက္တြ​င​္ စု​ေ​ပါ​င​္း​ဆႏ​ၵျပခဲ့

နှင်း​သစ္စာ (တောင်​ကြီး) | ဩဂုတ်​လ ​၈ ရက်၊ ​၂​၀​၁​၄ ခု | တောင်​ကြီး​တိုင်း​မ်



စစ် ​တပ်သိ​မ်း​မြေ၊ ကုမ္ပဏီ​များ​သိမ်း​မြေ၊ အုပ်ချုပ်​ရေး​အဖွဲ့​များ​သိမ်း​မြေ​များ​နှင့် အလွဲ​သုံး​ရောင်း​စား​မြေ​ယာ​များ ပြန်လည်​ရ​ရှိ​ရေး​ကို ​၂​၀​၁​၄ ခု​နှစ်​ဩဂုတ်​လ ​၇ ရက်​နေ့ တောင်ကြီးမြို့​နယ်၊ အေး​သား​ယာ​စက်​မှု​ဇု​န်​မြို့​တွင် တောင်ကြီးမြို့​နယ်​ရှိ ကျေးရွာ​ပေါင်း​စုံ တောင်သူ​များ စုပေါင်း​ဆန္ဒ​ပြ တောင်း​ဆို​သွား​ကြော​င်း သိရှိ​ရသ​ည်။

”ဒီ ​နေ့​ဆန္ဒ​ပြတာ​ကတော့ တောင်ကြီးမြို့​နယ်​ရှိ ဘုရား​ဖြူ​ရပ်​ကွက်၊ နယ်​မြေ (၄)၊ ဖက်​ကွန်​ကျေးရွာ၊ ညို​မီး​ရွာ၊ နောင်​ကား​ရွာ​နေ တောင်သူ​လယ်သမား​များ​ပါ​တယ်။ ရွေ​ညောင်​မြို့​နယ်​ရှိ ရေပူ​ရွာ၊ ကျောက်နီ​ရွာ၊ စက်​မှု​ဇု​န်၊ ညောင်​ရွေ၊ ပါ​နွေး​ရွာ​ရှိ တောင်သူ​လယ်သမား​များ​လည်း ပါ​တယ်၊ စုစုပေါင်း​တောင်သူ​လယ်သမား​များ​ဦးရေ (၆​၀​၀) ကျော်​ခန့် ပါရှိ​တ်​ယ်“ ဟု ရှမ်း​တောင် တောင်သူ​လယ်သမား​ဖြစ်မြောက်​ရေး​အဖွဲ့ ကော်မတီ​တစ်​ဦး ကို​မျိုး​ကြီး​က ပြော​သည်။

အေး ​သာယာ​မြို့၊ ပြည်ထောင်​စု​လမ်းမ​ကြီး​ပေါ်​ရှိ ရှမ်းပြည်နယ်​မု​ဒ်​ဦး​အဝင်​မှ​စ​၍ အေး​သာယာ စက်​မှု​ဇု​န်​လမ်း အတိုင်း ဆန္ဒ​ပြလမ်း​လျှောက်​လာ​ရာ အေး​သာယာ​မြို့​စက်​မှု​ဇု​န်၊ အမှတ် (၁​၂) ရပ်​ကွက်​ရှိ စက်​မှု​ဇု​န် ကြီးကြပ်​ရေး​ရုံး​ရှေ့​နှင့် ရပ်​ကွက်​အုပ်ချုပ်​ရေး​မှူး​ရုံး​ရှေ့​အထိ ရောက်လာ​ပြီး ထို​ရုံး​နှစ်​ရုံး​ရှေ့​လမ်းဆုံ​တွင် ဆန္ဒ​ပြ​တောင်သူ​လယ်သမား​များ​ရပ်​စု​ကာ ဦးဆောင်​သူ ဦးတင်​ရွေ​က ဆန္ဒ​ထုတ်ဖော်​ဟောပြော​မှု ပြုလုပ်​ကြော​င်း သိရှိ​ရသ​ည်။

“ဒီ ​တစ်​ခေါက်​ဆန္ဒ​ပြတာ​ဟာ ဒုတိယ​အကြိမ်​ဖြစ်​တယ်၊ ပထမ​အကြိမ်​တုန်း​က​လဲ ဆန္ဒ​ပြ​ခဲ့​တယ်၊ ဖြေ​ရှင်း​ပေး လုပ်ဆောင်​တဲ့​ထူးခြား​ချက်​တွေ မ​တွေ့​ရ​ဘူး၊ ဒါ​ကြော​င်း အခု​ဒုတိယ​အကြိမ် ထပ်​ပြီး​ဆန္ဒ​ပြ​တယ်၊ ဒီ​တစ်​ခေါက်​ပြီး ထူးခြား​တဲ့ ဖြေ​ရှင်း​ပေး​တာ​တွေ မ​ရှိ​သေး​ရင် နောက်​တစ်​ခေါက် ဆန္ဒ​ပြ​ထပ်​လုပ်​ရင်​လည်း လုပ်​မယ်၊ ကျွန်တော်​တို့ တောင်သူ​လယ်သမား​တွေ​လည်း လယ်ယာ​မြေ ဥပဒေ​တွေ လေ့​လာ​ပါ​တယ်၊ ဥပဒေ​ပညာ​ရှင်​တွေ​လည်း ရှိ​တယ်၊ ဥပဒေ​အတိုင်း ဆက်လက်​လုပ်ဆောင်​သွား​မယ်“ ဟု ရှမ်း​တောင် တောင်သူ​လယ်သမား​အဖွဲ့​ကော်မတီ​လည်း​ဖြစ်၊ ဆန္ဒ​ပြ​ဦးဆောင်​သူ​လည်း​ဖြစ် ဦးတင်​ရွေ​က ပြော​ကြား​သည်။

“ကျွန်တော် ​တို့​က တောင်ကြီးမြို့၊ ဘုရား​ဖြူ​ရပ်​ကွက်၊ နယ်​မြေ (၄) က တောင်သူ​များ​ပါ၊ ​၁​၉​၉​၂ ခု​နှစ် တပ်​အမှတ် (၅​၁​၀) စစ်​တပ်​က ဧကပေါင်း (၇​၀​၀) ကျော် သိမ်းထား​တဲ့​မြေ​တွေ ဖြစ်​တယ်၊ ထို​မြေ​တွေ​ထဲ​မှာ ဘာ​မှ​လည်း မ​လုပ်​ဘူး၊ လုပ်ကိုင်​စား​သောက်​ဖို့ အမှန်​တကယ်​ပြန်​လို​အပ်​တဲ့ တောင်သူ​လယ်သမား​များ​ကို​တော့ ပြန်​မ​ပေး​ဘူ။ မြေ​ယာ​ပိုင်​ရှင် မဟုတ်​တဲ့ ဦး​ခွန်​လှ​ဆာ​နဲ့ တွဲ​ပြီး၊ အလွဲ​သုံး​စား မြေ​ယာ​ရောင်းချ​မှု​များ​ကို​တော့ ပြုလုပ်​တယ်၊ အခု​အချိန်​ဆို ထို​မြေကွက်​များ​ကို ဦး​ခွန်​လှ​ဆာ​က အကွက်​ဖော် ရောင်း​စား​မှု​တွေ ပြုလုပ်​နေ​တယ်၊ မြေ​ယာ​ကို ရောင်း​စား​နေ​မည့်​အစား ပိုင်​ရှင်​တောင်သူ​များ​ကို​သာ ပြန်​ပေး​ဖို့ လို​တယ်“ ဟု ဘုရား​ဖြူ​ရပ်​ကွက်​နေ တောင်သူ​လယ်သမား ဦး​ခွန်​ပန်းမော​င်​က ပြော​သည်။

 

 

refind by Taunggyi Time